Moak die reed toom studieren

Wan wie de Bibel studieren, dan well wie, daut ons daut to Hoaten jeit. Esra es een goodet Biespel doafäa. Hee “haud sien Hoat doaropp jerecht”, aulsoo reedjemoakt, en Gott sien Jesaz to forschen (Esra 7:​10, JHF). Woo kjenn wie daut uk soo doonen aus Esra?

Bäd. Saj een Jebäd, ea du studieescht. Froag Jehowa om Help, daut du daut vestonen un uk nokomen kaust, waut du lieescht (Psa. 119:​18, 34).

Sie deemootich. Dee, waut stolt sent un denkjen, daut dee daut nich aun Gott siene Help fält toom de Bibel vestonen, lat Gott de Woarheit nich weeten (Luk. 10:21). Doo nich noforschen bloos toom die ver aundre doamet groot doonen. Un wan du enwoascht, daut du waut endren motst, dan sie deemootich un doo daut.

Horch eent von onse Leeda. Musikj kaun väl aun ons doonen. Wan wie eent von onse Leeda horchen verem Studieren, kaun ons daut halpen, aun Jehowa to denkjen un daut ons daut to Hoaten jeit, waut wie lieren.