Enne Famielje un manke Frind
Met de Famielje un Frind enne Lenjd fein foadich to woaren, haft fa väle noch waut opp sikj. See mol waut Bibelvarzh un acht doaropp, woo dee die halpen kjennen.
DENKJ NICH BLOOS AUN DIE
WAUT DE SCHREFT SAJCHT: “Jie sellen nich bloos no daut kjikjen, waut junt selfst intressieet, oba uk no daut, waut dän näakjsten intressieet” (Filippa 2:4).
WAUT DAUT BEDIET: Daut eena sikj enne Lenjd met aundre goot vesteit, mott eena dolla doarom bedocht sennen, to jäwen aus to nämen. Wan du bloos aun die denkjst, dan helt daut nich lang väa. Eena woat biejlikj dän Ehepoatna leichta ontru, wan eena bloos no sikj kjikjt. Un wie wellen je uk nich met wäm Frind sennen, waut bloos pucht, waut dee aules kaun un haft. Daut Buak The Road to Character sajcht, daut doa “väl Trubbels bie rutkomen, wan eena ekjich es”.
WAUT DU DOONEN KAUST:
Halp aundre. Goode Frind halpen un vetruen sikj. Soo aus se rutjefungen haben, brucken de Menschen nich soo leicht unja Narfen lieden un feelen sikj mea wieet, wan dee aundre halpen.
Wies Metleet. Waut meent Metleet? Metleet haben meent, daut eena eenen aundren siene Weedoag en sikj feelen kaun. Metleet halpt eenem, daut eena nich äwa wäm spost un daut doaropp deit, daut de aundra sikj saul domm un beleidicht feelen.
Wan du met aundre metfeelen kaust, dan woascht du bäta met dee foadich. Daut kaun die halpen, aundre nich auftowiesen un die uk von aule Sorten Menschen Frind to moaken.
Nemm die Tiet fa aundre. Je mea Tiet du die fa aundre nemst, je bäta lieescht du dee kjanen. Wan du west met wäm goot Frind woaren, dan motst du uk kjennen äwa iernste Sachen räden. Soo, horch goot too. Sie om daut bekjemmat, waut dänjanjen besorcht. Korz haben se rutstudieet, daut “iernste Unjahoolungen Menschen mau rajcht kjennen schaftja moaken”.
PAUSS OPP, WÄM DU TOOM FRINT HAST
WAUT DE SCHREFT SAJCHT: “Schlajchte Jesalschoft vedoaft goode Aunjewanheiten” (1. Korinta 15:33).
WAUT DAUT BEDIET: Wan wie met wäm toop sent, dan kaun daut fa ons goot ooda schlajcht sennen. Forscha sajen daut uk, daut aundre väl aun ons doonen kjennen. Dee sajen biejlikj, daut wan eena met Schmieekja toop es, daut eena dan uk ea schmieekjt, ooda met soone toop es, waut sikj scheeden loten, daut eena dan uk leichta wudd.
WAUT DU DOONEN KAUST: Sieekj die soone Frind, waut daut soo haben, aus du daut jleichst ooda woo du wurscht wellen sennen, waut biejlikj leeftolich un oppnäment sent un Respakjt un väl toom äwajen haben.
AUNDRE BIBELVARZH
Kjikj biblische Videos, waut fa Ehelied, fa Jugentliche un fa Kjinja sent, daut junt daut enne Famielje kaun scheena gonen
RÄD NICH SOONT, WAUT AUNDRE WEE DEIT.
“Onväasechtje Wieed spekjen aus een Schwieet”. (SPRICHA 12:18)
SIE REED TOOM JÄWEN.
“Eene mildjäwaje Seel woat rikj woaren”. (SPRICHA 11:25)
BEHAUNDEL AUNDRE SOO, AUS DEE DIE SELLEN.
“Wautemma see junt doonen sellen, daut doot jie an uk.” (MATÄUS 7:12)