LEET 34
Jehova en aules tru sennen
(Psalm 26)
1. Beuadeel mie un proow mie ut, mien Gott,
un lot mie gaunz kloa seen’, aun waut ekj schaufen mott.
See mien Vetru’n un acht uk opp mien Hoat.
Moak aul mien denkjen rein un hool mien’ Gloowen stoakj.
(KUA)
Har, säajen mie, wiels ekj mie eenich sie:
Ekj hool mie aulentiet en aules tru aun die.
2. Veschoon mie, Har, wan du aus Rechta kjemst
un wan du dee bestrofst, waut schlajcht un gottloos sent.
Wiels ekj hab nuscht met schlajchte Sinda toop,
waut Onwoarheit vetal’n un onopprechtjet doon’.
(KUA)
Har, säajen mie, wiels ekj mie eenich sie:
Ekj hool mie aulentiet en aules tru aun die.
3. Ekj leew daut Hus, wua du veharlicht woascht,
ekj hab fa die, mien Har, een onjedeeldet Hoat.
Ekj low dien’ Nom’ un sinj fa die een Leet,
moak dankboa daut bekaunt, waut du aul fa ons deetst.
(KUA)
Har, säajen mie, wiels ekj mie eenich sie:
Ekj hool mie aulentiet en aules tru aun die.
(See uk Psa. 25:2.)