Bat aum Enj uthoolen

1. Aul daut, waut Gott vesproaken haft,

moakt Moot un jeft die Krauft.

De Hopninj es een Schutz fa die,

een Anka, secha un faust.

De Gloowen halpt die uttohool’n;

Gott sien’ Dach hool faust em Denkj.

Bliew tru en Noot un Priefungen;

daut schwoare haft boolt een Enj.

2. Bewoa die diene ieeschte Leew;

pauss opp, sest woat dee kolt.

Bliew staunthauft en Vesieekjungen,

hool ut, jeff kjeenmol nich opp.

Un woat dien Gloowen aufjeprooft,

hool dien’ Moot un twiewel nich.

Gott moakt een’ Wajch, doa ruttokom’;

ons Gott lat die nich em Stich.

3. Wäa bat aum Enj haft utjehool’n,

dee woat dan uk jerat.

Gott schrift sien’ Nom’ em Läwesbuak,

un dee woat kjeenmol jelascht.

Soo sie die eenich uttohool’n,

bliew jeduldich, hool die rein.

Jehova woat die goot beloon’

un eewich woascht du die frei’n.