POAT 1

Goode Enleidunk

Aposteljeschicht 17:22

TOOPFOTUNK: Diene Enleidunk saul de Toohiera nieschierich moaken un dee wiesen, waut dien Teema es, un dee sellen seenen kjennen, wuarom daut Teema fa an wichtich es.

WOO EENA DAUT DOONEN KAUN:

Nieschierich moaken. Sieekj die eene Froag ut, eene Erfoarunk, irjentwaut von de Norechten ooda sestwaut, waut fa diene Toohiera intressaunt es.

Denkj aul em verut doaräwa no, waut diene Toohiera intressieet ooda Sorjen moakt, un dan pauss diene Enleidunk doano aun.
Moak dietlich, waut dien Teema es. Kjikj doano, daut diene Enleidunk de Toohiera halpt, daut Teema un de Iedee von dien Poat to vestonen.
Wies, wuarom daut wichtich es. Pauss daut, waut du väabrinjst, doano aun, waut diene Toohiera fält. Dee sellen kloa vestonen kjennen, woo an daut perseenlich halpen kaun.

Wan du eene Räd reedmoakst, dan denkj doaräwa no, waut de Breeda un Sestren en diene Vesaumlunk derchmoaken. Un dan pauss diene Enleidunk doano aun, waut dee fält.