52. KAPITEL
Wuarom onse Kjleedie un woo ons lat wichtich es
Wie aula jleichen daut, selfst to entscheiden, woo wie ons wellen auntrakjen un oppfiksen. Wan wie een poa biblische Gruntsauzen nokomen, dan kjenn wie ons soo auntrakjen, aus wie daut jleichen, un uk Jehova jefaulen. See wie mol een poa von dee Gruntsauzen.
1. Waut halpt ons to entscheiden, woo wie ons auntrakjen un oppfiksen?
Wie sellen ons “aunstendich un schmock kjleeden” un renlich sennen, soo daut wie wiesen, daut wie “gottesferchtje” Menschen sent (1. Timotäus 2:9-10). See wie mol vea Sachen: (1) Wie sellen ons “aunstendich” auntrakjen. Du hast daut secha aul en de Toopkomes jeseenen, daut Jehova siene Deena sikj jleichen veschieden auntotrakjen un opptofiksen un dee wiesen doawäajen dän Gott Respakjt, dän see aunbäden. (2) Wie trakjen ons natieedlich aun. Daut meent, daut wie ons soo auntrakjen, daut aundre nich opp schlajchte Jedanken komen ooda too sea sellen no ons kjikjen. (3) Wie wiesen, daut wie derchjedocht sent, wan wie nich bie aules metmoaken, waut dan jroz Mood es. (4) Woo ons lat, saul emma wiesen, daut wie “gottesferchtje” Menschen sent un dän woaren Gott deenen (1. Korinta 10:31).
2. Waut kaun onse Kjleedie aun onse Gloowesbreeda doonen?
Wan wie uk de Frieheit haben uttoläsen, waut wie ons auntrakjen wellen, wudd wie oba sellen doaräwa nodenkjen, aus aundre daut baudren kunn. Doawäajen proow wie aules to doonen, om “onsen näakjsten toom Jefaulen läwen, daut am daut toom gooden un toom oppbuen deenen kaun” (läs Reema 15:1-2).
3. Waut kaun onse Kjleedie aun aundre Menschen doonen?
Wie proowen ons emma natieedlich auntotrakjen, oba besonda acht wie doaropp, wan wie bie de Toopkomes sent ooda prädjen. Woo ons lat saul de Menschen nich von de goode Norecht auflenkjen, waut wie dee brinjen. Daut saul leewa “de Lia von Gott ... auntrakjent moaken” (Titus 2:10).
DOLLA UNJASTONEN
Unjasto die daut, woo eena sikj kaun secha moaken, daut eena sikj soo auntrakjt un oppfikst, aus sikj daut fa eenen Christ jehieet.
Woo ons lat kaun wiesen, aus wie beaumte Menschen respakjten ooda nich. Wan Jehova uk ons Hoat seenen kaun, sell wie dän doawäajen uk derch onse Kjleedie respakjten
4. Wan ons aunstendich lat, dan wiest daut Respakjt fa Jehova
Woont es de jratste Uasoak, wuarom wie doa sellen waut om romjäwen, woo ons lat? Läst Psalm 47:3 un dan got toop dise Froagen derch:
Woo woa wie ons auntrakjen, wan wie doaraun denkjen, daut wie fa Jehova enstonen?
Jleefst du, daut et needich es, doaropp to achten, woo ons lat, wan wie bie de Toopkomes ooda em Deenst sent? Wuarom wurscht du daut sajen?
5. Woo wie ons kjennen natieedlich auntrakjen un oppfiksen
Aus onse Kjleeda dia sent ooda nich, wie sellen dee reinhoolen un dee sellen paussent sennen fa de Städ, wua wie dan jroz sent. Läst 1. Korinta 10:24 un 1. Timotäus 2:9-10. Dan rät toop doaräwa, wuarom wie nich wudden wellen Kjleeda aunhaben, ...
waut velumpt ooda too eefach sent.
waut too enj ooda too kol sent ooda opp eene aundre Wajch wäm kunnen opp schlajchte Jedanken brinjen.
Wan Christen uk nich unja Moses sien Jesaz sent, wiest ons daut doch, woo Jehova denkjt. Läst 5. Mose 22:5 un dan got toop dise Froag derch:
Wuarom sellen Christen sikj nich soo auntrakjen un oppfiksen, daut de Mana no Frues lat un de Frues no Mana?
Läst 1. Korinta 10:32-33 un 1. Johanes 2:15-16 un dan got toop dise Froagen derch:
Wuarom sell wie doaropp achten, aus daut wäm en onse Omjäajent ooda en de Vesaumlunk baudren kunn, woo ons lat?
Woo doonen de Menschen sikj doa auntrakjen un oppfiksen, wua du wonst?
Wurscht du sajen, daut eenje von dee Mooden sikj fa eenen Christ nich wudden jehieren? Wuarom wurscht du daut sajen?
Wie kjennen ons veschieden auntrakjen un oppfiksen un doawäajen noch Jehova jefaulen
WAUT EENJE SAJEN: “Ekj kaun mie soo auntrakjen, aus ekj well.”
Jleefst du, es daut rajcht? Wuarom wurscht du daut sajen?
KAPITEL TOOPJEFOT
Wan wie doaropp achten, woo ons lat, dan wies wie Respakjt fa Jehova un fa aundre.
Waut hast du jelieet?
Wuarom es Jehova daut wichtich, woo wie ons auntrakjen un oppfiksen?
Waut vonne Gruntsauzen halpen ons to entscheiden, woo wie ons kjleeden sellen?
Waut kaun onse Kjleedie doaraun doonen, woo aundre äwa dän woaren Gloowen denkjen?
MEA NOSIEEKJEN
See, waut diene Kjleeda äwa die wiesen.
“Waut wiest daut äwa die, woo du die kjleetst?” (Artikjel opp jw.org)
Lia, wuarom du doa saust goot äwa nodenkjen, ea du die Tatos moakst.
See noch mea Gruntsauzen, waut die bie Entscheidungen halpen kjennen.
“Jeft Gott daut Iea, woo du die kjleetst?” (De Woaktorm, Septamba 2016)
Woo lieed eene Fru, waut Gott jefaulen wull, doa rajcht nauntokjikjen, woo aundre sikj kjleeden un oppfiksen?
“De Kjleedie wia mie em Stich” (Woat waka!, 22. Dezamba 2003)