Jäft Jehowa Harlichkjeit

1. Du best de Hechsta, Jehowa,

dee, waut em Himmel rejieet.

Denkj ekj aun aul diene Scheenheit,

dan hab ekj nich paussende Wieed.

Wan ekj de Stierns see aum Himmel,

wiesen dee kloa diene Pracht.

Wäa sie dan ekj, oh Jehowa,

daut du soo voll Leew opp mie achst?

2. Voda, ekj well fa die läwen.

Daut, waut ekj doo, saul die ier’n.

Schaftich well ekj von die räden

un loten mie von die belier’n.

Daut ekj die deen’ kaun, Jehowa,

es mie ’ne Freid un ’ne Iea.

Du jefst mie Krauft un beschizt mie,

du leitst mie; daut es mie väl wieet.

3. Aul diene Woakjen sent Wunda;

daut, waut du muakst, preist dien’ Nom’.

Gott, diene Macht, diene Weisheit

es jrata aus ekj kaun veston’.

Staunent betracht ekj de Schepfunk:

Himmel un Ieed un daut Mäa.

Woo wudd ekj nich kjenn’ die lowen?

Wiels du hast je aules jemoakt.