LEET 161
Dienen Wellen doonen jeft mie Freid
(Psalm 40:9, PB)
1. Aus dien Sän em Jordan jedeept wort,
aus hee hieed, woo sea du am jleichst,
säd hee: “Gott, ekj woa dienen Well’n doon’,
wiels daut jeft mie groote Freid.”
Hee wia tru, uk wan hee vesocht wort.
Hee haud Iewa fa dien’ Nom’.
Hee deed aules, daut die jeieet wort.
Un dautselwje well ekj uk.
(KUA)
Ekj doo dien’ Well’n; daut jeft mie Freid.
Met aule Krauft sie ekj dien Zeij.
Ekj well ut Leew die schaftich deen’
en daut Licht, wua du mie leitst.
Ekj doo dien’ Well’n; daut jeft mie Freid.
Du jefst een’ Loon, waut nich vejeit.
Un diene Leew, ekj kaun dee feel’n.
Ekj doo wellich, waut du jleichst.
Daut jeft mie Freid.
2. Aus ekj die ieescht kjan’ lieed, Jehowa,
wort ekj en, waut Freid werkjlich meent.
Ekj woa emma brow von die räden,
wiels du aule Iea vedeenst.
Toop met true Breeda un Sestren
moak ekj driest dien Wuat bekaunt.
En mien’ Deenst fa die, leewa Voda,
jäw ekj aules, waut ekj kaun.
(KUA)
Ekj doo dien’ Well’n; daut jeft mie Freid.
Met aule Krauft sie ekj dien Zeij.
Ekj well ut Leew die schaftich deen’
en daut Licht, wua du mie leitst.
Ekj doo dien’ Well’n; daut jeft mie Freid.
Du jefst een’ Loon, waut nich vejeit.
Un diene Leew, ekj kaun dee feel’n.
Ekj doo wellich, waut du jleichst.
Daut jeft mie Freid.
Dien’ Well’n doon’ jeft mie Freid.
(See uk Psa. 40:4, 11, PB.)