GOODE WADABESUCHS MOAKEN
8. KAPITEL
Jedult haben
De Gruntsauz: “Leew es jeduldich” (1. Kor. 13:4)
Woo deed Jesus daut?
1. Kjikj ieescht daut VIDEO ooda läs Johanes 7:3-5 un 1. Korinta 15:3-4, 7, un dan denkj äwa dise Froagen no:
Woo dochten Jesus siene Breeda ieeschtlich äwa de goode Norecht?
Aun waut see wie, daut Jesus nich oppjeef, sienen Brooda Jakobus to halpen?
Waut lia wie von Jesus?
2. Eenje dieet daut lenja aus aundre, de goode Norecht auntonämen. Doawäajen mott wie jeduldich sennen.
Woo kaust du Jesus nodoonen?
3. Proow mol waut aundret. Wan dee nich fuaz reed es toom de Bibel studieren, dan bemott dän daut nich. Wan daut paust, kaust du Videos ooda Artikjels brucken, soo daut dee seenen kaun, woo een Bibelstudium schauft un woo dän daut halpen wudd.
4. Vejlikj eenen nich met dän aundren. Kjeena es äwareen. Wan wäa von dien Frintschoft noch nich well de Bibel studieren ooda nich well eene biblische Lia aunnämen, dan denkj doaräwa no, wuarom dee nich well. Es doa irjenteene Lia bie siene Jemeent, waut fa dän sea wichtich es? Moakt sien Frintschoft ooda siene Nobasch dän daut schwoa? Jeff dän Tiet toom doaräwa nojreblen, waut du sätst un woo de Schreft dän kaun togood komen.
5. Bäd om Weisheit. Froag Jehowa doano, daut du kaust goot enjestalt sennen un respakjtvoll bliewen. Bäd om Weisheit, daut Jehowa die halpen kaun to weeten, wanea du nich mea wurscht sellen doa hangonen, wan dänjanjen de Woarheit nich sea intressieet (1. Kor. 9:26).