De Woarheit äwa Gott sien Kjennichrikj
Jesus lieed siene Nofolja soo to bäden: “Ons Voda em Himmel! Dien Nomen saul heilich jehoolen woaren. Lot dien Rikj komen. Lot dien Wellen oppe Ieed jrod soo jedonen woaren aus em Himmel” (Matäus 6:9-10). Waut es Gott sien Kjennichrikj? Waut woat daut doonen? Un wuarom sell wie doarom bäden?
Jesus es de Kjennich von Gott sien Kjennichrikj.
Lukas 1:31-33: “Du saust am Jesus nanen. Dee woat groot sennen, un dän Aulahechsten sien Sän jenant woaren; un Gott de Har woat am sien Voda David sienen Troon jäwen. Un hee woat eewich äwa Israel Kjennich sennen. Sien Kjennichrikj woat niemols een Enj nämen.”
Jesus prädijd daut mieeschte von daut Kjennichrikj.
Matäus 9:35: “Jesus jinkj derch aul äare Städa un Darpa, lieed en äare Schoolen un prädijd daut Evangelium von Gott sien Rikj un muak de Menschen jesunt von aul äare veschiedne Krankheiten.”
Jesus jeef siene Jinja een Tieekjen, daut dee daut wudden enwoaren, wan daut Kjennichrikj komen wudd.
Matäus 24:7: “Wiels een Volkj woat jäajen daut aundre oppstonen, un een Kjennichrikj jäajen daut aundre. Un doa woaren opp veschiedne Städen Pestilenz, Hungaschnoot un Ieedbäben sennen.”
Jesus siene Nofolja prädjen dit Kjennichrikj oppe gaunze Welt.
Matäus 24:14: “Un daut Evangelium von Gott sien Rikj woat en de gaunze Welt jeprädicht woaren, soo daut aule Velkja daut hieren, un dan woat daut Enj komen.”