ONS CHRISTELJET LÄWEN

Opp JW.ORG Weisheit finjen fa daut Läwen

Gott sien Wuat haft aules, waut ons fält, toom met daut schwoare en de latste Doag foadich woaren (2Ti 3:1, 16-17). Oba eenjemol es daut schwoa, soone Gruntsauzen to finjen, waut ons en onse Loag halpen kjennen. Sieekjst du biejlikj Rot, om diene Kjinja fein opptotrakjen? Best du een Jugentlicha un dien Gloowen woat oppe Proow jestalt? Best du eene Wätfru ooda een Wätmaun, waut doa truat? Wan du en eene schwoare Loag best, dan kaun jw.org die halpen, paussende Gruntsauzen to finjen (Spr 2:3-6).

De Websied jw.org opp een Tablet. Doa woat dän Knups BIBLISCHE LIEREN jewäsen.

Drekj opp BIBLISCHE LIEREN nopp (see daut 1. Bilt). Von de List, waut doa dan väakjemt, kaust du die soont utwälen, aus die jankat. Ooda drekj opp BIEEKJA UN MEA > VESCHIEDNE ARTIKJELS nopp un wäl die doa soont ut, aus die jankat (see daut 2. Bilt). Dise veschiedne Artikjels jeft daut uk en de JW Library^®.a Veleicht west du uk bloos mol derchseenen, waut daut aules fa Artikjels jeft. Ooda du wurscht uk kjennen daut Sieekjenkaustje brucken, om die waut äwa een Teema notoseenen.

De Websied jw.org opp een Tablet. Doa woaren de Knupsen BIEEKJA UN MEA un VESCHIEDNE ARTIKJELS jewäsen.

Schriew dise Saza en daut Sieekjenkaustje nenn, un schriew die daut opp, woone Artikjels du läsen west.

Kjinja opptrakjen
Jugentliche Trubbels
Ehepoatna jestorwen

a Eenje Artikjels, waut toop jehieren, sent ieeschtlich veleicht bloos opp jw.org to finjen.