ONS CHRISTELJET LÄWEN
Lia, soo to denkjen aus Jehova
Endoont waut wie doonen, wie wellen emma, daut Jehova eenen Jefaulen aun ons haft (Spr 27:11). Uk wan daut nich een kloaret Jesaz jeft, fa waut wie ons entscheiden sellen, motten onse Entscheidungen oba met daut toopstemmen, woo Jehova denkjt. Woo kjenn wie daut lieren, soo to denkjen aus Jehova?
Doo räajelmässich de Bibel studieren. Emma wan wie de Bibel läsen, es daut soo, aus wan wie met Jehova toop Tiet vebrinjen. Wan wie beoobachten, woo Jehova met de Menschen ieeschtemma omjinkj, dan lia wie, woo hee denkjt. Wie lieren uk väl doavon, waut hee bie de Menschen fa goot un schlajcht aunsach. Wan wie dan eene Entscheidunk trafen motten, dan kaun de heilja Jeist ons halpen, doaraun to denkjen, waut wie von Gott sien Wuat aul jelieet haben un waut vonne Gruntsauzen doa bennen sent (Joh 14:26).
Sieekj die waut no. Wan du waut entscheiden motst, dan denkj doaräwa no: “Waut vonne Jeschicht ooda Varzhen kjennen mie halpen to vestonen, woo Jehova äwa dit denkjt?” Bäd Jehova om Help, un bruck daut Jereetschoft toom nosieekjen, waut daut opp diene Sproak jeft. Daut kaun die halpen, soone biblische Gruntsauzen to finjen un to brucken, waut fa diene Loag paussent sent (Ps 25:4).
KJIKJ DAUT VIDEO WIE MOTTEN “AUNHOOLENT RANEN” – VESCHLACHSOM ÄTEN, UN DAN BEAUNTWUAT DISE FROAGEN:
Waut velangden dee aules von de junge Sesta en daut Video?
Woo wurscht du daut Jereetschoft toom nosieekjen brucken kjennen, om met biejlikj soone Loag foadich to woaren?
Woo kaun ons daut halpen, wan wie ons Tiet nämen toom nosieekjen un studieren, om goode Entscheidungen to trafen? (Heb 5:13-14).