Nemm die waut väa fa de Tiet von daut Owentmol

Jehova siene Zeijen freien sikj aul emma, jieda Joa toop daut Owentmol to fieren. En de Wäakjen ver un no daut Owentmol hab wie besondre Jeläajenheiten, Jehova fa daut Leesjelt to danken un to preisen (Ef 1:3, 7). Biejlikj lod wie soo väl Menschen to daut Owentmol en, aus wie kjennen. Eenje kjennen sikj daut soo enrechten, daut see em Moaz ooda Aprell kjennen Pioniahelpa sennen fa 30 ooda 50 Stund. Wurscht du uk jleichen, en dise Tiet von daut Owentmol mea em Deenst to doonen? Woo kaust du daut doonen?

Foaken kjrie wie mea jedonen, wan wie em verut plonen (Spr 21:5). Wäajen daut Owentmol bosich noda kjemt, es daut nu de Tiet, goot to plonen. Denkj doaräwa no, waut vonne Mäajlichkjeiten daut fa die jeft, mea em Deenst to sennen en de Tiet von daut Owentmol. Denkj uk doaräwa no, waut du doonen motst, daut du daut volbrinjen kaust, un dan froag Jehova doano, daut hee diene Aunstrenjungen säajent (1Jo 5:14-15).

Woo kaust du mea em Deenst doonen en de Tiet von daut Owentmol?