Woo woat de goode Norecht jeprädicht?

Jehova woat derch sien Kjennichrikj boolt met aule Trubbels een Enj moaken. Dit es soone scheene Norecht, daut aundre dee hieren motten. Un Jesus wull daut haben, daut siene Nofolja aundre dise Norecht sullen brinjen! (Matäus 28:19-20). Woo sent Jehova siene Zeijen dit Jeboot nojekomen?

1. Woo erfelt Matäus 24:14 sikj vondoag dän Dach?

Jesus säd verut: “Daut Evangelium von Gott sien Rikj woat en de gaunze Welt jeprädicht woaren” (Matäus 24:14). Jehova siene Zeijen freien sikj, daut see bie dise besondre Oabeit methalpen kjennen. Wie prädjen dise goode Norecht nu oppe gaunze Welt opp äwa 1000 Sproaken! Bie dit sea groote Woakj stakjt väl Oabeit un plonen hinja. Daut wudd onen Jehova siene Help nich mäajlich sennen.

2. Waut doo wie aules toom de Menschen prädjen?

Wie prädjen aulawäajen, wua Menschen sent. Wie gonen “von Hus to Hus”, soo aus de ieeschte Christen deeden (Aposteljeschicht 5:42). Wäajen wie daut soo aus dit doonen, kjenn wie jieda Joa met millionende Menschen räden. Oba wiels de Menschen nich emma tus sent, doo wie uk opp aundre Städen prädjen, wua väl Menschen sent. Wie sieekjen emma no eene Jeläajenheit, woo wie aundre kjennen von Jehova un sienen Wellen vetalen.

3. Aun wäm es daut, de goode Norecht to prädjen?

Aule woare Christen motten aundre de goode Norecht brinjen. Wie nämen dise Oabeit sea iernst. Wie prädjen soo väl, aus ons daut mäajlich es, wiels wie weeten, daut jeit om Läwen ooda Doot (läs 1. Timotäus 4:16). Wie kjrieen nich betolt fa dit, wäajen de Schreft sajcht: “Jie haben daut emsonst jekjräajen, jäft daut uk emsonst wieda” (Matäus 10:7-8). Nich aule nämen de Norecht aun, waut wie prädjen. Oba wie moaken doawäajen wieda, wiels soo jehorch wie Jehova un moaken am schaftich.

DOLLA UNJASTONEN

4. Wie proowen sea, met aule Menschen to räden

VIDEO: “Äwa de gaunze Welt” prädjen (7:33)

• Waut motst du bewundren, woo sea Jehova siene Zeijen sikj aunstrenjen to prädjen?

Läst Matäus 22:39 un Reema 10:13-15 un dan got toop dise Froagen derch:

• Woo wiest ons Prädichtwoakj, daut wie om aundre Menschen waut romjäwen?

• Woo denkjt Jehova äwa dee, waut de goode Norecht prädjen? (See Varsch 15.)

5. Wie sent Gott siene Metoabeida

Välet, waut Breeda beläft haben, wiest, daut Jehova ons Woakj aun Haunt haft. Denkj wie mol aun eenen Brooda en Nie-Seelaunt, waut Paul heet. Hee troff eene Fru, aus hee eenen Nomeddach von Hus to Hus prädjen deed. Krakjt dän Zemorjes haud dee Fru to Gott jebät un haud Gott sienen Nomen, Jehova, jebrukt un am jefroacht, aus doa wäa kunn no äa Hus komen. Paul sajcht: “Dree Stund lota, wia ekj bie ar aune Däa.”

Läst 1. Korinta 3:9 un dan got toop dise Froag derch:

• Woo wiesen soone Erfoarungen aus dise von Nie-Seelaunt, daut Jehova daut Prädichtwoakj aun Haunt haft?

Läst Aposteljeschicht 1:8 un dan got toop dise Froag derch:

• Woosoo fält ons daut aun Jehova siene Help toom onsen Deenst derchfieren?

Hast du daut jewist?

En onse Toopkomes enne Wäakj woat ons jelieet, woo wie prädjen kjennen. Wan du mol best bie soon Toopkomen jewast, waut denkjst du doaräwa, woo wie utjelieet woaren?

6. Wie jehorchen Gott sien Jeboot to prädjen

De Jäajna proowden de ieeschte Christen vom prädjen auftohoolen. Oba dee stunden verem Jerecht fa äa Rajcht en, de goode Norecht to prädjen (Aposteljeschicht 25:10-12). Jehova siene Zeijen doonen daut vondoag dän Dach krakjt soo.a

VIDEO: Verem Jerecht fa de goode Norecht enstonen (2:28)

Läst Aposteljeschicht 5:27-42 un dan got toop dise Froag derch:

• Wuarom woa wie nich opphieren met prädjen? (See Varsch 29, 38 un 39.)

KAPITEL TOOPJEFOT

Jesus jeef siene Nofolja daut Jeboot, daut dee aule Velkja sullen de goode Norecht prädjen. Jehova halpt siene Deena, dit Woakj derchtofieren.

Waut hast du jelieet?

• Woo woat de goode Norecht oppe gaunze Welt jeprädicht?

• Woo wiest ons Prädichtwoakj, daut wie om aundre Menschen waut romjäwen?

• Jleefst du, daut prädjen gonen ons Freid jäwen kaun? Wuarom?

MEA NOSIEEKJEN

Kjikj mol, woo Jehova siene Zeijen en groote Städa prädjen.

Daut besondre prädjen en groote Städa – Paris (5:11)

Woo haben Jehova siene Zeijen dee jeholpen, waut äa Launt veloten musten?

Dee prädjen, waut äa Launt veloten musten (5:59)

Woo es daut, wan eena aul siene Tiet brukt toom prädjen? Horch mol, waut eene Sesta doaräwa sajcht.

Woo goot, daut ekj disen Deenst aunfunk (6:29)

Lia von eenje Entscheidungen von Rechtasch, waut daut Prädichtwoakj von de goode Norecht haft leichta jemoakt.

“Kjennichrikjs-Vekjnindja gonen nom Jerecht” (Gott sien Kjennichrikj rejieet!, 13. Kapitel)