DE MENSCHEN TO JINJA MOAKEN
10. KAPITEL
Sikj gaunz eenich sennen
De Gruntsauz: “Wie brochten junt met Freid nich bloos daut Evangelium von Gott, oba uk ons ieejnet Hoat un Läwen, soo väl räakjend wie junt” (1. Tes. 2:8)
Woo deed Jesus daut?
1. Kjikj ieescht daut VIDEO ooda läs Johanes 3:1-2, un dan denkj äwa dise Froagen no:
Wuarom jleefst, kjeem Nikodemus de Nacht no Jesus? (See Johanes 12:42-43.)
Woo wees Jesus en dise Loag, daut hee sikj gaunz eenich wia, Jinja to moaken?
Waut lia wie von Jesus?
2. Wie wiesen, daut wie de Menschen leewen, wan wie ons gaunz eenich sent, dee to halpen, Jinja to woaren.
Woo kaust du Jesus nodoonen?
3. Wua un wanea du met dienen Bibelschiela studieescht, sull fa dän paussent sennen. Veleicht es doa een Dach ooda eene Tiet, wua daut fa dän daut baste paust. Wudd hee sikj makelja feelen bie siene Oabeit studieren ooda bie sien Tus ooda opp eene aundre Städ? Proow die daut soo entorechten, daut et fa dän daut baste paust.
4. Studieet pinkjlich. Lot daut Studium nich ut, wan du mol nich perseenlich met dän studieren kaust. Enne Städ daut wurscht du biejlikj eent von dise Sachen doonen kjennen:
Dee Wäakj eenen aundren Dach met dänjanjen studieren
Äwa Fon ooda äwa Internet studieren
Eenen aundren Vekjindja froagen, aus dee wudd met dän studieren kjennen
5. Bäd om de rajchte Enstalunk. Froag Jehowa no Help, daut du nich oppjefst, wan dien Bibelschiela uk nich pinkjlich studieet ooda daut mau sacht nokjemt, waut dee lieet (Filip. 2:13). Dee haft secha väl goode Sieden. Bäd doarom, daut du kaust dolla no daut goode kjikjen.
LIA NOCH MEA DOARÄWA
Spr. 3:27; Apj. 20:35; 2. Kor. 12:15