18. KAPITEL
Woo eena weeten kaun, woont de woare Christen sent
Väl Millionen Menschen meenen, daut see Christen sent, oba dee jleewen nich aula dautselwje. Un dee rechten je sikj uk nich aula no dautselwje. Woo kaun eena dan weeten, woont de woare Christen sent?
1. Waut es een Christ?
Christen sent Jesus Christus siene Jinja, ooda Nofolja (läs Aposteljeschicht 11:26). Woo bewiest eena daut, daut eena Jesus sien Jinja es? Jesus säd: “Wan jie bie dee Wieed bliewen, waut ekj junt jelieet hab, sent jie woarhauftich miene Jinja” (Johanes 8:31). Daut meent dan, daut de woare Christen Jesus siene Lieren motten jehorchen. Jesus lieed aundre emma daut, waut de Schreft säd. Un krakjt soo doonen de woare Christen daut uk (läs Lukas 24:27).
2. Woo bewiesen woare Christen äare Leew?
Jesus säd to siene Nofolja: “[Siet] junt unjarenaunda soo goot . . . aus ekj junt goot sie” (Johanes 15:12). Woo wees Jesus daut, daut hee siene Jinja leewd? Hee neem sikj Tiet fa dee un spruak dee Moot too un holp dee. Hee jeef mau rajcht sien Läwen fa dee (1. Johanes 3:16). Krakjt soo es daut bie woare Christen: dee räden nich bloos von Leew. Dee bewiesen daut met äare Wieed un Woakjen, daut dee sikj unjarenaunda leewen.
3. Waut von Woakj fieren woare Christen derch?
Jesus jeef siene Jinja eene Oabeit opp. “Hee schekjt an, daut Gottesrikj to prädjen” (Lukas 9:2). De ieeschte Christen prädijden nich bloos opp dee Städen, wua see toopkjeemen, oba irjentwua manke Menschen un bie dee äare Hiesa (läs Aposteljeschicht 5:42; 17:17). De woare Christen prädjen vondoag dän Dach uk de Woarheit ut Gott sien Wuat, wuaemma de Menschen sent. Ut Leew fa äaren Näakjsten brucken dee wellich von äare Tiet un Krauft toom de Menschen de Hopninj un dän Troost ut de Schreft brinjen (Markus 12:31).
DOLLA UNJASTONEN
Unjasto die daut, waut de Unjascheet es tweschen woare Christen un soone Menschen, waut sikj nich Jesus toom Väabilt nämen un uk nich siene Lieren nokomen.
4. Dee sieekjen no de Woarheit ut de Schreft
De ieeschte Christen räakjenden Gott sien Wuat väl
Nich aule, waut meenen, daut see Christen sent, hoolen väl von de Woarheit ut de Schreft. Kjikjt daut VIDEO un dan got toop de Froag derch, waut hia aunjejäft es.
Waut deeden eenje Jemeenten, waut minkj Christen wieren, om Jesus siene Lieren unjare Dakj to hoolen?
Jesus lieed aundre de Woarheit ut Gott sien Wuat. Läst Johanes 18:37 un dan got toop dise Froag derch:
Soo aus Jesus säd, woo kjenn wie weeten, woont dee Christen sent, waut sikj aun de Woarheit hoolen?
5. Dee prädjen de Woarheit ut de Schreft
De ieeschte Christen deeden aundre prädjen
Ea Jesus nom Himmel fua, jeef hee siene Nofolja eene Oabeit opp, waut vondoag dän Dach noch wiedajeit. Läst Matäus 28:19-20 un Aposteljeschicht 1:8 un dan got toop dise Froag derch:
Woo wiet un breet wudd doa jeprädicht woaren?
6. Dee komen daut no, waut see prädjen
Wuahäa wia een Maun, waut Tom heet, sikj soo secha, daut hee de woare Christen jefungen haud? Kjikjt daut VIDEO un dan got toop de Froagen derch, waut hia aunjejäft sent.
Wuarom wort Tom meed von Jemeenten?
Wuahäa es hee sikj soo secha, daut hee de Woarheit jefungen haft?
Woo een Mensch es, wiest sikj väl dolla derch daut, waut dee deit, aus waut dee sajcht. Läst Matäus 7:21 un dan got toop dise Froag derch:
Waut talt bie Jesus mea: wan wie sajen wie haben Gloowen ooda wan wie dän met Woakjen bewiesen?
7. Dee leewen sikj unjarenaunda
De ieeschte Christen leewden sikj unjarenaunda
Haben Christen werkjlich mol äa Läwen opp Spell jesat fa äare Gloowesbreeda? Kjikjt daut VIDEO un dan got toop de Froagen derch, waut hia aunjejäft sent.
Waut brocht Lloyd bat doa, sien Läwen fa Brooda Johansson opp Spell to saten?
Jleefst du, wees Lloyd, daut hee opp iernst een Christ wia?
Läst Johanes 13:34-35 un dan got toop dise Froagen derch:
Woo behaundelt een woara Christ soone, waut von een aundret Launt ooda eene aundre Hutkalia sent?
Woo deit een woara Christ daut, wan doa Kjrich es?
WAUT EENJE SAJEN: “Krakjt endoont to woone Jemeent eena jehieet, wie läwen aula fa dänselwjen Gott.”
Woonen Bibelvarsch wurscht du kjennen brucken toom dänjanjen wiesen, woont de woare Christen sent?
KAPITEL TOOPJEFOT
Woare Christen komen de Lieren ut de Schreft no, wiesen aundre von Hoaten Leew un moaken de Woarheit ut de Schreft bekaunt.
Waut hast du jelieet?
Opp waut stetten woare Christen äaren Gloowen?
Aun waut es to seenen, woont woare Christen sent?
Waut vonne Oabeit fieren woare Christen derch?
MEA NOSIEEKJEN
Lia mol soone Menschen kjanen, waut sikj aunstrenjen Jesus Christus notofoljen un waut daut doonen, waut Jesus lieed.
Eene Fru, waut ea en eene Kjoakj een Aumt haud, socht no eene woare jeistelje Famielje. Waut brocht ar bat doa?
“Dee beauntwuaden jieda Froag met de Schreft!” (De Woaktorm, 1. Aprell 2014)
Kjikj mol, woo woare Christen äare Gloowesbreeda Leew wiesen, waut en Noot sent.
Wie halpen onse Breeda, wan een Owwada passieet es (Een Biet) (3:57)
Jesus säd, aun waut siene Nofolja wudden to kjanen sennen. Unjasto die daut, woo de ieeschte Christen un de woare Christen vondoag dän Dach daut nokomen, waut Jesus säd.
“Woo weet eena, woont woare Christen sent?” (De Woaktorm, 1. Moaz 2012)