Woo es Jesus?

Wan wie mea doaräwa lieren, waut Jesus säd un deed, dan woa wie en, waut fa een leeftolja un feina Mensch hee wia. Un dan well wie siene Frind sennen un uk sienen Voda Jehova siene Frind. Oba, waut fa een Mensch wia hee soo rajcht? Un woo kjenn wie Jesus nodoonen?

1. En waut fa Stekjen es Jesus soo aus sien Voda?

Fa dusende Millionen Joaren haft Jesus sienen leeftoljen Voda kunt beoobachten un von dän lieren. Doawäajen es dee krakjt soo jesonnen aus sien Voda un denkjt un deit aules krakjt soo aus dee (läs Johanes 5:19). Hee deit sienen Voda soo krakjt no, daut hee mau rajcht säd: “Wäa mie jeseenen haft, haft uk dän Voda jeseenen!” (Johanes 14:9). Je mea du lieescht, woo Jesus es, je bäta woascht du Jehova kjanen lieren. Wan du dan biejlikj lieescht, woo metliedent Jesus to aundre wia, dan weetst du, woo väl Jehova om die romjeft.

2. Woo wees Jesus, daut hee Jehova leewd?

Jesus säd: “De Welt mott weeten, daut ekj dän Voda goot sie, un daut ekj doawäajen aules doo, waut hee mie oppjedroacht haft” (Johanes 14:31). Aus Jesus oppe Ieed wia, wia hee sienen Voda emma jehuarsom, uk wan daut schwoa wia. Soo wees hee siene Leew fa dän. Jesus jleicht daut uk sea, von sienen Voda to räden un hee holp aundre, daut dee kunnen met dän Frind woaren (Johanes 14:23).

3. Woo wees Jesus, daut hee de Menschen leewd?

De Schreft sajcht, Jesus “haud eenen Jefaulen aun de Menschheit” (Spricha 8:31). Hee wees siene Leew fa de Menschen, aus hee dee holp un Moot toospruak. Aun siene Wunda wia siene Macht to seenen un uk, woo metliedent hee wia (Markus 1:40-42). Hee wia to aulem leeftolich un muak kjeenen Unjascheet. Un waut hee säd, treest de goode Menschen un jeef dee Hopninj. Jesus wia reed to lieden un to stoawen, wäajen hee de Menschen soo sea leewd. Oba besonda leeft hee dee, waut daut nokomen, waut hee lieet (läs Johanes 15:13-14).

DOLLA UNJASTONEN

4. Jesus leeft sienen Voda

Von Jesus kjenn wie lieren, woo wie onse Leew fa Gott wiesen kjennen. Läst Lukas 6:12 un Johanes 15:10; 17:26. No jieda Bibelvarsch got toop dise Froag derch:

• Woo kjenn wie Jesus nodoonen un wiesen, daut wie Jehova leewen?

6. Jesus haft väl toom äwajen

Wan Jesus uk nich väl waut haud, wia hee doch reed, von sient auftojäwen. Un hee sajcht to ons, daut wie uk sellen friejäwrich sennen. Läst Aposteljeschicht 20:35 un dan got toop dise Froag derch:

• Soo aus Jesus säd, woo kjenn wie seelich, ooda schaftich, sennen?

Kjikjt daut VIDEO un dan got toop de Froag derch, waut hia aunjejäft es.

VIDEO: Jäwen moakt schaftja aus nämen (Een Biet) (4:00)

• Woo kjenn wie aundre jäwen, wan wie selfst uk nich väl haben?

Hast du daut jewist?

De Schreft lieet, daut wie en Jesus sienen Nomen sellen to Jehova bäden (läs Johanes 16:23-24). Wan wie soo bäden, dan wies wie, daut wie dankboa sent fa daut, waut Jesus jedonen haft, daut wie kjennen met Jehova Frind sennen.

KAPITEL TOOPJEFOT

Jesus leeft Jehova un de Menschen. Je bäta wie Jesus kjanen lieren, je bäta lia wie uk Jehova kjanen, wiels Jesus soo es aus sien Voda.

Waut hast du jelieet?

• Woo kjenn wie wiesen, daut wie Jehova leewen, soo aus Jesus deed?

• Woo kjenn wie wiesen, daut wie de Menschen leewen, soo aus Jesus deed?

• Waut jleichst du daut dolste, woo Jesus es?

MEA NOSIEEKJEN

Unjasto die mol een poa Sachen, woo wie Jesus kjennen nodoonen.

“Woo kjenn wie Jesus nodoonen?” (Jesus – De Wajch, de Woarheit, daut Läwen, Sied 317)

See mol, woosoo wie sellen en Jesus sienen Nomen bäden.

“Wuarom sell wie en Jesus sienen Nomen bäden?” (De Woaktorm, 1. Feebawoa 2008)

Rät de Schreft doavon, woo Jesus sach?

“Woo sach Jesus?” (Artikjel opp jw.org)

Waut kjenn wie doavon lieren, woo Jesus Frues behaundeld?

“Gott acht de Frues un räakjent dee väl” (De Woaktorm, 1. Septamba 2012)