Wäl die soonen Tietvedrief, waut Jehova fa goot talt

Jehova es een schaftja Gott (1. Timotäus 1:11, NW). Hee well, daut wie schaftich sent un daut ons daut em Läwen scheen jeit. Hee freit sikj, wan wie ons Tiet nämen toom von de Oabeit vereiwen. En dit Kapitel woa wie seenen, woo wie onse friee Tiet soo brucken kjennen, daut ons daut scheen jeit un daut Jehova sikj uk freit.

1. Waut sell wie äwalajen, wan wie ons Tietvedrief wälen?

Waut jleichst du fa Scheengonen to doonen? Eenje jleichen dan bloos ruich tus to sennen, een Buak to läsen, Spell to horchen, eenen Film to kjikjen ooda sikj waut em Internet to beseenen. Eenje jleichen veleicht leewa met Frind toopkomen, no de Boaj foaren, schwamen ooda waut toop spälen. Krakjt endoont, waut wie jleichen fa Scheengonen to doonen, wie motten emma doano kjikjen, daut et soont es, “waut däm Harn jefelt” (Efeesa 5:10). Daut es wichtich, daut wie aun dit denkjen, wäajen een deel Tietvedrief, waut nu Mood es, haft met soont to doonen, waut Jehova haust, soo aus Jewault, Huararie ooda Zaubarie (läs Psalm 11:5, NW). Woo kjenn wie ons gooden Tietvedrief wälen?

Wan wie ons soone Frind sieekjen, waut Jehova leewen, dan kjennen dee ons halpen, gooden Tietvedrief to wälen. Soo aus wie daut aul ea en een Kapitel jelieet haben: “Wäa daut met weise Menschen helt, woat weis”. Oba wan wie räajelmässich met soone Menschen toop sent, waut sikj nich aun Gott siene Gruntsauzen hoolen wellen, dan woa wie “Schoden lieden” (Spricha 13:20).

2. Woosoo mott wie doaropp achten, woo väl Tietvedrief wie haben?

Wan de Tietvedrief, waut wie ons wälen, uk nich schlajcht es, mott wie doawäajen oppaussen, woo väl Tiet wie doa nenstäakjen. Sest woa wie nich jenuach Tiet haben fa wichtjere Sachen. De Schreft rot ons too, daut wie onse Tiet goot utnutzen sellen (läs Efeesa 5:15-16).

DOLLA UNJASTONEN

Lia, woo du kaust goode Entscheidungen moaken, wan daut om Tietvedrief jeit.

3. Bliew von schlajchten Tietvedrief wajch

Wuarom sell wie oppaussen, waut von Tietvedrief wie haben? Kjikjt daut VIDEO un dan got toop de Froagen derch, waut hia aunjejäft sent.

VIDEO: Waut von Tietvedrief sull ekj mie wälen? (4:39)

• En waut fa Stekjen es de Tietvedrief vondoag dän Dach äwareen met de Kaumf-Späls von ieeschtemma en de Staut Room?

• Waut lieed Danny en daut Video äwa Tietvedrief?

Läst Reema 12:9 un dan got toop dise Froag derch:

• Woo kaun dis Varsch die halpen, rajchten Tietvedrief uttowälen?

Waut es eenjet, waut Jehova haust? Läst Spricha 6:16-17 un Galata 5:19-21. No jieda Bibelvarsch got toop dise Froag derch:

• Waut von daut, waut dise Varzhen wiesen, kjenn wie en Tietvedrief vondoag dän Dach seenen?

Waut die halpen kaun, Tietvedrief to wälen

Äwalaj:

• Es doa waut met en, waut Jehova haust?

• Nemt mie daut de Tiet von wichtjere Sachen?

• Woa ekj mie väl met soone Menschen aufjäwen, waut Jehova nich leewen?

Daut es sechra, soo wiet aus mäajlich von eene Jefoa wajchtobliewen. Wan wie jleewen, daut ons irjent Tietvedrief kunn schoden, dan sell wie doa wiet auf von bliewen

4. Bruck diene Tiet goot

VIDEO: Waut deist du met diene Tiet? (2:45)

• De Brooda en daut Video kjikjt nuscht schlajchtet. Oba waut wia doawäajen sien Trubbel?

Läst Filippa 1:10 un dan got toop dise Froag derch:

• Woo kaun dis Varsch ons halpen to entscheiden, woo väl Tiet wie ons nämen toom Scheengonen haben?

5. Wäl die gooden Tietvedrief

Wan Jehova eenjen Tietvedrief uk nich jleicht, jeft daut doch väl scheenet, waut eena doonen kaun. Läst Liera 8:15 un Filippa 4:8 un dan got toop dise Froag derch:

• Waut von gooden Tietvedrief jleichst du?

KAPITEL TOOPJEFOT

Jehova well haben, daut wie ons sellen gooden Tietvedrief wälen un daut ons daut saul scheen gonen.

Waut hast du jelieet?

• Waut von Tietvedrief sellen Christen utem Stich gonen?

• Wuarom sell wie oppaussen, woo väl Tiet wie ons nämen toom Scheengonen haben?

• Wuarom west du die soonen Tietvedrief wälen, waut Jehova jefelt?

MEA NOSIEEKJEN

Läs die daut no, wäms Veauntwuatunk daut es, waut von Tietvedrief wie ons wälen.

“Doonen Jehova siene Zeijen jewesse Films, Musikj ooda Bieekja vebeeden?” (Artikjel opp jw.org)

See, woo du kaust goode Entscheidungen moaken, wan daut om Tietvedrief jeit.

“Es dien Tietvedrief toom gooden?” (De Woaktorm, 15. Oktooba 2011)

See en de Jeschicht “Nu moak ekj nich mea eenen Unjascheet manke Menschen”, wuarom een Maun sienen Tietvedrief endren must.

“De Schreft haft äa Läwen veendat” (De Woaktorm, 1. Feebawoa 2010)

See, woo eene Mame eene goode Entscheidunk moakt, aus see eenen Film kjikjen well, waut met Zaubarie to doonen haft, ooda nich.

Bliew von soonen Tietvedrief wajch, waut met Zaubarie to doonen haft (2:02)