• Lia von Jesus sienen jinjren Brooda
    De Woaktorm (Utgow fa daut Studium) — 2022 | Jaunewoa

    • BLIEW DEEMOOTICH, SOO AUS JAKOBUS

      Jakobus es doa biem deschren, aus Jesus to am rät, nodäm daut hee vom Doot oppjestonen es

      Jakobus wia deemootich, aus Jesus sikj von am seenen leet, un wort eent von siene true Jinja (See Varsch 5-7)

      5. Waut deed Jakobus, aus Jesus sikj no sien oppstonen von am seenen leet?

      5 Wanea funk Jakobus aun, Jesus notofoljen? Nodäm daut Jesus vom Doot oppjestonen wia, “wees hee sikj däm Jakobus, un dan aul de Apostel” (1. Kor. 15:7). No daut wort Jakobus dan een Jinja von Jesus. Hee wia uk bie de Apostel, aus dee en Jerusalem en eene Bowastow no dän heiljen Jeist luaden (Apj. 1:13-14). Lota wia hee mau rajcht eena von dee, waut to jane Tiet em Väastaunt wieren (Apj. 15:6, 13-22; Gal. 2:9). Un een Stootje ver daut Joa 62 leet Jehova am eenen Breef aun de jesaulwde Christen schriewen. Dis Breef es ons vondoag dän Dach noch toom gooden, endoont aus wie de Hopninj haben em Himmel to läwen ooda hia oppe Ieed (Jak. 1:1). No daut no, waut de ieeschtemmascha Jeschichtsschriewa Josefus säd, sach de judischa Huaga Priesta Hananias de Jinjra doano, daut Jakobus dootjemoakt wort. Oba Jakobus bleef Jehova tru, bat sien Läwen hia oppe Ieed to Enj wia.