WAUT HALPT, WAN EENA SIKJ ÄWAFODDAT FEELT?
Wie derwen ons nich äwafoddat feelen
Waut de Schreft sajcht, kaun ons halpen, daut wie välet väabieejen kjennen, waut ons äwafoddat. Wie selfst kjennen nich aules väabieejen. Oba dee, waut ons jemoakt haft, kaun daut, un dee haft wäm aunjestalt, waut ons doamet entjäajen kjemt. Daut es Jesus Christus. Aus hee oppe Ieed wia, deed hee aul väl goodet, oba hee woat oppe gaunze Welt boolt noch väl mea goodet doonen. Kjikj mol no dit hia:
JESUS WOAT DE KRANKE HEELEN, SOO AUS HEE DON AUL DEED
“See brochten aul äare kranke no am, dee von veschiedne Liedenschoften jekjwält worden, . . . un hee muak dee aula jesunt” (MATÄUS 4:24)
JESUS WOAT DOAFÄA OPPKOMEN, DAUT WIE HIESA UN ÄTEN HABEN
“Dee [wua Jesus äwa rejieren woat] woaren Hiesa buen un en dee wonen; see woaren Wiengoades aunplaunten un von de Frucht äten. Dee woaren nich buen un een aundra doabennen wonen; dee woaren nich aunplaunten un een aundra daut äten” (JESAJA 65:21-22)
JESUS SIENE REJIERUNK WOAT AULAWÄAJEN FRÄD UN SECHAHEIT BRINJEN
“En siene Tiet woat de Jerajchtichkjeit blieejen, un aules woat frädlich sennen bat de Mon nich mea es. Hee woat von een Mäa bat daut aundre rejieren, un vom Riefa aun bat äwa de gaunze Ieed. . . . un aul siene Fiend woaren am deenen” (PSALM 72:7-9)
JESUS WOAT DE OJJERAJCHTICHKJEIT ÄWATSIED SCHAUFEN
“Hee woat äwa de schwake un oame Metleet haben, un de oame woat hee vom Doot raden. Hee woat an von dee raden, dee an unjadrekjen un vejewaultjen” (PSALM 72:13-14)
JESUS WOAT MET DAUT LIEDEN UN DÄN DOOT EEN ENJ MOAKEN
“Doa woat kjeen Doot ooda Trua ooda Hielen ooda Weedoag mea sennen” (OPENBOARUNK 21:4)