Junge Menschen, siet reed “jieren goodet [to] doonen”

En dän Breef, waut de Apostel Paulus unja Gott siene Leidunk aun Titus schreef, säd hee, daut de junge Mana sikj sullen aunstrenjen, een “Faeabilt enn goode Woakje” to sennen (Tit 2:6-7, Reimerbibel). Soo aus hee lota en dautselwje Kapitel wees, haft Jehova sien Volkj jereinicht, waut “jieren goodet doonen well” (Tit 2:14). Von Gott sien Kjennichrikj prädjen un lieren es Poat von de goode Woakjen. Wan du noch junk best, kaust du diene Krauft dan brucken toom Pionia ooda Pioniahelpa sennen? (Spr 20:29).

Wan du west Pionia sennen, dan recht die daut soo en, daut du daut uk kaust (Luk 14:28-30). Denkj doaräwa no: Woo woascht du daut met de Onkosten doonen, wan du em Voltietdeenst best? Kaust du soo väl Stunden em Deenst sennen, aus von eenen Pionia velangt woat? Bäd to Jehova äwa dise Sach (Ps 37:5). Räd met diene Elren äwa dienen Plon un uk met soone, waut äaren Pioniadeenst aul fein utfieren. Dan doo daut, waut doa needich es, daut du daut uk doonen kaust. Jehova woat diene Aunstrenjungen en sienen Deenst secha säajnen!

KJIKJ DAUT VIDEO JUNGE MENSCHEN IEREN JEHOVA, UN DAN BEAUNTWUAT DISE FROAGEN:

• Met waut vonne Schwierichkjeiten musten eenje foadich woaren, daut see kunnen Pionia sennen, un woo kunnen dee daut?

• Woo kjennen de Elren äare Kjinja halpen, daut dee kjennen Pionia woaren?

• Wuarom es daut wichtich, eenen Plon to haben fa dän Prädichtdeenst?

• Woo kjennen dee vonne Vesaumlunk de Pionieren Moot moaken un biestonen?

• Waut fa goodet kjennen dee beläwen, waut Pionia sent?