51. KAPITEL
Woo kaust du Jehova doamet ieren, woo du to aundre rätst?
Jehova haft ons soo jemoakt, daut wie räden kjennen. Daut es een sea feinet Jeschenkj. Es am daut endoont, woo wie dit Jeschenkj brucken? Gaunz secha nich! (Läs Jakobus 1:26.) Woo kjenn wie dan to aundre soo räden, daut wie Jehova ieren?
1. Woo kjenn wie dit Jeschenkj rajcht brucken?
De Schreft sajcht ons: “Moakt junt unjarenaunda Moot un but junt unjarenaunda opp” (1. Tessalonicha 5:11). Felt die wäm bie, waut Moot fält? Waut kaust du doonen, daut dän daut bäta jeit? Saj dän, daut du waut om am romjefst. Veleicht kaust du dän sajen, waut du von dän jleichst. Un daut jeft uk een deel Bibelvarzhen toom dän Moot moaken. Woonen wurscht du kjennen brucken? Denkj uk doaraun, woo du daut sajen west; wiels woo du waut sajchst, deit krakjt soo väl aun aundre, aus waut du sajchst. Doawäajen proow emma leeftolich un natjes to räden (Spricha 15:1).
2. Woo wudd wie nich sellen räden?
De Schreft sajcht: “Rät nuscht, waut dän näakjsten schoden kaun” (läs Efeesa 4:29). Daut meent, daut wie nich schlajchte Wieed brucken ooda wäm domm sajen ooda waut sajen, waut dän aundren saul beleidjen. Wie motten uk nich äwa aundre pludren un lastren (läs Spricha 16:28).
3. Woo kjenn wie soo räden, daut aundre daut Moot jeft?
Foaken es daut aun ons räden to hieren, waut wie werkjlich em Hoat haben un äwa waut wie nodenkjen (Lukas 6:45). Doawäajen mott wie ons daut aunwanen, äwa goodet notodenkjen: äwa soont, waut jerajcht, rein, leeftolich un to lowen es (Filippa 4:8). Un daut wie daut kjennen, mott wie ons gooden Tietvedrief wälen un uk goode Frind (Spricha 13:20). Daut halpt uk emma, wan eena ieescht nodenkjt, ea eena rät. Denkj uk doaräwa no, waut diene Wieed aun aundre doonen woaren, wiels de Schreft sajcht: “Onväasechtje Wieed spekjen aus een Schwieet, oba de Weise räden heelsome Wieed” (Spricha 12:18).
DOLLA UNJASTONEN
Lia, woo du emma kaust soo räden, daut Jehova daut jefelt un daut aundre daut Moot jeft.
4. Hool dien räden unja Kontroll
Wie aula sajen eenjemol waut, waut wie lota beschoden (Jakobus 3:2). Läst Galata 5:22-23 un dan got toop dise Froagen derch:
Om woont von dit wurscht du bäden kjennen toom dien räden unja Kontroll hoolen? Woo kaun die daut halpen?
Läst 1. Korinta 15:33 un dan got toop dise Froag derch:
Waut deit daut aun dien räden, waut vonne Frind un Tietvedrief du die wälst?
Met waut wie ons aufjäwen, kaun waut aun ons räden doonen
Läst Liera 3:1, 7 un dan got toop dise Froag derch:
Wanea wudd daut bäta sennen, bloos stell to sennen ooda to wachten, bat et bäta paust, waut to sajen?
5. Räd goodet von aundre
Woo kjenn wie daut väabieejen, aundre to beleidjen ooda waut to sajen, waut nich leeftolich es? Kjikjt daut VIDEO un dan got toop de Froagen derch, waut hia aunjejäft sent.
Wuarom wull de Brooda en daut Video daut endren, woo hee von aundre räd?
Waut deed hee toom daut endren?
Läst Liera 7:16 un dan got toop dise Froag derch:
Waut wurscht du sellen em Denkj hoolen, wan die daut enkjemt, äwa wäm uttoholen?
Läst Liera 7:21-22 un dan got toop dise Froag derch:
Woo kjennen dise Varzhen die halpen, nich fuaz doll to woaren, wan doa wäa schlajcht äwa die rät?
6. Räd leeftolich to diene Famielje
Jehova well daut haben, daut wie to onse Famielje sellen leeftolich un frintlich räden. Kjikjt daut VIDEO un dan got toop de Froag derch, waut hia aunjejäft es.
Waut woat die halpen, leeftolich to diene Famielje to räden?
Läst Efeesa 4:31-32 un dan got toop dise Froag derch:
Woo kjenn wie to onse Famielje soo räden, daut dee sikj waut wieet feelt?
Jehova säd daut, woo hee äwa sienen Sän Jesus docht. Läst Matäus 17:5 un dan got toop dise Froag derch:
Woo kaust du Jehova nodoonen, wan du met diene Famielje rätst?
Sieekj no Jeläajenheiten, aundre to lowen
WAUT EENJE SAJEN: “Ekj saj, waut ekj denkj. Mie es daut endoont, aus aundre daut jleichen ooda nich.”
Jleefst du, daut daut rajcht es? Wuarom wurscht du daut sajen?
KAPITEL TOOPJEFOT
Wieed haben väl Krauft. Doawäajen mott wie sea oppaussen, waut wie sajen, wanea wie daut sajen un woo wie daut sajen.
Waut hast du jelieet?
Woo kaust du aundre derch daut halpen, waut du sajchst?
Woo west du nich räden?
Waut kaun die halpen, emma leeftolich to räden un soo, daut aundre daut Moot moakt?
MEA NOSIEEKJEN
Waut kaun ons halpen, soo to räden, daut aundre daut Moot moakt?
Lia, waut die halpen kaun, nich schlajchte Wieed to brucken.
“Es flieekjen werkjlich soo schlajcht?” (Artikjel opp jw.org)
See mol, woo du die kaust von Pludarie wajchhoolen.
Unjasto die daut, woo Jehova eenen Maun holp, opptohieren met flieekjen.
“Ekj docht iernstlich doaräwa no, wua daut met mien Läwen hanjinkj” (De Woaktorm, 1. August 2013)