EENE VETAL AUNFANGEN
2. KAPITEL
Eene gaunz jeweenelje Vetal haben
De Gruntsauz: “Woo goot es doch een paussendet Wuat!” (Spr. 15:23)
Woo deed Filippus daut?
1. Kjikj ieescht daut VIDEO ooda läs Aposteljeschicht 8:30-31, un dan denkj äwa dise Froagen no:
Woo funk Filippus de Vetal aun?
Wuarom wia daut gaunz jeweenlich, woo Filippus de Vetal aunfunk un dan dän ätiopischen Huachaunjestalden waut nieet lieed?
Waut lia wie von Filippus?
2. Wan wie ieescht mol een bät met de Menschen nobren, dan woaren dee sikj dolla jeloten feelen un ea no de goode Norecht horchen.
Woo kaust du Filippus nodoonen?
3. Sie oppmoakjsom. Du kaust väl äwa dänjanjen weeten, wan du dän sien Jesecht beoobachst, woo dee sikj vehelt un waut dee met siene Henj deit. Lat die daut doano, daut dee met die räden well? Biejlikj wurscht du dän eefach froagen kjennen: “Hast du daut jewist, daut . . . ?” Oba wan dee nich räden well, dan bemott dänjanjen daut nich.
4. Sie jeduldich. Feel die nich bemott, fuaz äwa de Woarheit to räden. Doo een bät met dän nobren, bat daut ieescht paussent es, doamet auntofangen. Eenjemol mott wie mau rajcht bat daut näakjstemol wachten, ea wie von de Schreft räden.
5. Stal die fa dän en. Veleicht fangt deejanja onverhofs aun, von gaunz waut aundret to räden, aus waut du die väajenomen hautst. Dan kaust du die no dänjanjen rechten un von soont vetalen, waut dän intressieet.
LIA NOCH MEA DOARÄWA
Liera 3:1, 7; 1. Kor. 9:22; 2. Kor. 2:17; Kol. 4:6