Komt no Jehova sienen Boajch

1. Kjikjt junt oppmoakjsom rom.

See jie Gott sien’ Boajch doa ston’?

Hecha aus aule Eewasch,

aulemaun kaun dän seen’.

Menschen streemen doa han,

kom’ von aule Lenda häa,

kroagen uk schaftich aundre:

“Komt un well wie Gott deen’.”

Gott sien Volkj wia mol kjlien,

doch vondoag sent wie väle Million’,

wiels ons Gott leet daut kjien’,

derch sien’ Jeist nemt sien Volkj haustich too.

Väle kom’ nu no Gott,

nämen am aus Harscha aun,

hoolen tru to Jehova,

sent aus Breeda veeent.

2. Jesus jeef daut Jeboot:

“Got un rät von Gott sien Wuat,

prädicht de goode Norecht.

Aule sell’n doavon hier’n.”

Christus harscht nu un kroacht

aule Menschen no sikj han.

Saunftmootje kjan’ de Stemm,

hier’n too un doon’ sikj bekjier’n.

Daut jeft Freid en ons Hoat,

daut de Häad wieda toonemt un waust.

Un wie ha’n doaraun Poat,

wiels wie prädjen met aul onse Krauft.

Moak wie wieda bekaunt,

roop wie daut opp ludes ut:

“Komt nu no Gott sien’ Boajch

un well wie Gott hia toop ier’n.”