Waut kaust du fa die perseenlich ooda em Famieljenstudium studieren?

Wie deenen Jehowa nich bloos, wan wie aula toop bie de Vesaumlungen ooda bie de Kongressen sent, oba uk wan wie auleen sent ooda met de Famielje. Hia sent eenje Iedeeen fa dien perseeneljet Studium ooda fa daut Famieljenstudium:

• Doo fa de Toopkomes väastudieren. Du kaust uk de Leeda eewen un aule enne Famielje halpen, sikj eene Auntwuat reedtomoaken.

• Läs eene biblische Jeschicht. Mol die een Bilt von daut ooda schriew die daut opp, waut du jelieet hast.

• Läs een Jebäd enne Bibel un denkj doaräwa no, woo die daut bie diene Jebäda halpen kaun.

• Kjikj een Video opp jw.org un räd met aundre doaräwa ooda schriew die waut opp, waut du besonda jejleicht hast.

• Moak die fa dän Deenst reed. Veleicht kaust du daut uk met aundre toop eewen.

• Beoobacht de Schepfunk un denkj doaräwa no ooda räd doavon, waut die daut von Jehowa lieet.a