Yobo
4 Elifaze muenya gu Temana wazuelele egi:
2 “Gula muthu mumoshi watshigina guta naye maga, aye mbawutuna gaye gumutegelela ba?
Handaga nanyi wajiya gudikanda ha gutuna guzuela?
3 Yadiago wahanele athu avula malongo,
wakolesele nji mago akhalele aguleba.
4 Mbimbi jiaye jiakhalele muzugisa muthu wakhalele ya gubua,
jiahanele nji gikhesa gudi athu akhalele nu mabongo a gufuwuga.
5 Uvi henyaha ndaga jiene jia gubuila, udi muvua gikenene giavula;
yagukuata, wasendesa guvua woma.
6 Woma waye mukunda nu Nzambi ushigo gugutuma ha gumushila mutshima ba?
Luholo wana khala ya gujinginyina gudi muene ishigo guguhana felela ba?
7 Tangiza gale: Wamonele gale muthu gatshitshilego gubola mufua ba?
Wavuile gale egi muthu wabonga washiyiwa ba?
8 Ngamonele egi athu adi mudima dihia dia ndaga jiabola,
nu athu adi mukuna malamba ana katula mbuto jia luholo lumoshi.
9 Muhehe wa Nzambi wana guashiya,
khabu jienji jiakola jiana guabata gu gisugishilo.
11 Khoshi idi mufua handaga ima ya gudia ishigo guene,
ana a khoshi adi mumuangana.
12 Anguwambelele mbimbi mu gisuegi,
ndaga jiakhalele ene munyinyita jiahetele mu kutshi diami.
13 Matangi akhalele gungusagesa tangua ngakhalele mumona vizio mu phipha,
tangua tulo tuana kuata athu,
14 ngadigitshile mangololo,
gudigita guene guazalesele ifuwa yami yagasue nu woma.
15 Nyuma imoshi yabalegele gu phala yami;
sanga dia nguwendele.
16 Gungima yamaganele,
uvi ngajiyilego luholo yakhalele.
Gima gimoshi giakhalele gutuama dia meso ami;
guma guabuile gula nenene, gungima ngavuile dijui dimoshi muzuela egi:
17 ‘Muthu wa ha mavu wajiya diago gukhala wabonga gubalega Nzambi ba?
Muthu wa ha mavu wajiya diago gukhala waphelegeta gubalega muthu wamulondele ba?’
18 Tala! Muene ganago guhagela enya mudimo enji mutshima,
wana mona nji ndaga jiabola gudi anjelo enji.*
19 Ndaga mbajikhala luholo lutshi mukunda nu athu ana jinga mu jinzo jialondewe nu wuma,
jinzo jidi nu fondasio mu fuphi,
ajiya gutshiongononewa gifua sualala!*
20 Ana tshiongononewa diago sendese mu gimenegena uu nu mu ngueze;
ana gufua mayilago, nga muthu mumoshi ganago gujiya.
21 Ashigo gifua tenta yabatuga shinga ba?
Adi mufua uvi ashigo nu gutema.