Yobo

7 “Monyo wa muthu wa ha mavu udi gifua mudimo wakola wana tshitshiwa gu ngolo,

masugu enji ashigo gifua masugu a athu ana heta lufuto lua mudimo wawo ba?

 2 Muene wana nengenena egi ngueze ibue gifua luholo muhiga wana nengenena,

wana nengenena lufuto luenji gifua luholo muenya mudimo wana nengenena.

 3 Hene, anguhanele mbeji jia githuhu,

atangele nji phipha jia malamba mukunda nu ame.

 5 Muila wami udi waguzala pha nu mavinyo nu fuphi,

gilema giami gidi gia guzala pha nu jiphuta nu tushina.

 6 Masugu ami adi mubalega muphushi gubalega mashinyi a gutungila milele,

adi muheta gu gisugishilo, uvi ame ngushigo nga nu felela.

 7 Ujimbilago egi monyo wami udi gifua muhehe,

meso ami mbaashigo luko mumona gusuanguluga.*

 8 Meso adi gungumona mangino, mbaashigo gungumona luko,

meso aye mbaangukamba, uvi mbangushigo mukhala guene.

 9 Gifua luholo tuta diana tota,

muthu udi muya gu malumba* ganago guvutuga luko.

11 Uvi ame mbangushigo mukanga kano diami,

mbanguzuela mukunda nu lamba didi mu mutshima wami,*

mbanguboguta mukunda nu lamba diami diakola.

12 Ame ngudi kianga nga ngudi shitu yakoma ya mu muta,

hagula unguhagele muthu ha gungutalela?

13 Gula ngazuela egi: ‘Gitanda* giami mbagingukolesa,

gitanda giami mbagingukuatesa mu malamba ami,’

14 aye udi gunguvuisa woma nu nzoji,

udi nji gunguvuisa woma nu vizio,

15 hene, ngudi* mutshigina egi ngubembe gami guhuima,

ayi, ngudi mutshigina gami gufua, hafundo dia gukhala nu muila owu.*

Handaga gualeha ndo mbangubanda mu fuluguta,

mbawungukamba, uvi mbangushigo mukhala luko guene.”