Ngimbo

 3 Muhagigo mutshima wenu gudi mafumu*

nga gudi mun’a muthu, handaga ene ajiyilego gumihuluisa.

 4 Nyuma* yenji yana zoga, muene wana vutuga mu mavu;

mu lusugu luene, gana tangiza ndo luko nga gima.

 5 Gusuanguluga gudi nu muthu munu Nzambi wa Yakoba udi mukuateshi wenji,

munu wana gudifelela gudi Yehowa Nzambi wenji,

 6 mufugi wa dilu nu mavu

nu kianga nu ima yagasue yana khala muene,

muene wana khala ya gujinginyina tangua diagasue,

 7 wana zuelela athu anyi ana huigiwa,

wana hana mapha gudi athu adi nu nzala.

 8 Yehowa wana kangula meso a ifofo;

Yehowa wana zugisa athu adi a gubua;

Yehowa wana zumba athu abonga.

 9 Yehowa wana bamba ngenji;

wana kuatesa ana a shiye nu akhetu a gafunda,

uvi wana bolesa ndaga jiana kota athu abola.*

10 Yehowa mbawukhala fumu ivo nu ivo,

Oo Siona, muene mbawukhala Nzambi waye indongo nu indongo.