Ngimbo
Gudi mutuameji wa miziki. Idi naye gushigiwa nu ima ya gushigila miziki idi nu shinga. Lungimbo lua Asafe.
76 Nzambi udi mujiyiwa gu Yuda;
jina dienji didi mutumbuishiwa gu Isalele.
2 Tenta yenji idi gu Salema,
muene wana khala gu Siona.
3 Muene wabogola mifula ya tshuya ya uta wa manana guene,
nu tshibu nu phogo ya khusa nu iluilo ya ita. (Sela)
4 Aye udi muhenya mangololo;
udi wakoma gubalega milundu yana khala nu shitu jia mu foto.
5 Athu adi nu gikhesa atambudiwe ima.
Ene abandele tulo;*
masuta agasue akhalelego nga nu muthu wa guakuatesa.
6 Oo Nzambi wa Yakoba, tangua wabalele,*
muthu munu wakhalele muwendesa phusu-phusu nu muwendeshi wa gabalu, ayile gu tulo tuakola.
7 Aye ukuatesa woma.
Gula wavua khabu jiabala, nanyi wajiya gumagana gutuama diaye?
8 Aye wabatuile milonga sendese mu dilu;
mavu avuile woma, ahenele tedie
9 tangua Nzambi wazugile ha gusophesa milonga,
ha guhuluisa athu agasue a gudibulumuisa a ha mavu. (Sela)
10 Gula athu avua khabu, yana guguhana luendu lua guditumbuisa;
gula athu adi mulandula guvua khabu, yana guguhana luendu lua guditumbuisa.
11 Gula mualaya Yehowa Nzambi wenu ndaga imoshi, mudi naye guyitagenesa,
athu agasue adi mu khulo yenji, abate bakado awo nu woma wagasue.
12 Muene mbawuhana atuameji adi nu lulendo musonyi;
muene udi muhana mafumu a ha mavu woma.