Ngimbo
Gudi mutuameji wa miziki; idi naye gushigiwa mu Yedutuna.* Lungimbo lua Asafe.
77 Mbangudidila Nzambi mu dijui diakola;
mbangudidila Nzambi, muene mbawungutegelela.
2 Mu tangua dia lamba, ngana kamba Yehowa.
Mu phipha ngana thuphula mago ami ha gusamba, ngana huila ndo.
gushigo nu muthu wagunguhana gikhesa.
3 Tangua ngana wunguluga Nzambi, ngana mba gisugu;
ngana gudisagesa, ngolo jiana gunguhua.* (Sela)
4 Aye wangubandesa gikole-kole;*
ngabua tunga-tunga, ngushigo nu luholo lua guzuela.
5 Ngatangiza luko masugu abalega,
ivo ya mualeha.
6 Mu phipha ngana wunguluga lungimbo luami;*
ngana tangigiza mu mutshima;
ngana kamba muabonga ha guheta mvutu gu mihu yiyi:
7 Yehowa watutunyile mayilago ba?
Muene mbagashigo luko gutuvila khenda ba?
8 Guzumba guenji gua giamatshidia guahuile mayilago ba?
Muene mbagashigo mutagenesa ndaga yalayele muene mu indongo yagasue ba?
9 Nzambi wabembele gale genji guvila athu khenda ba?
Khabu jienji jiatotesele gale khadilo dienji dia guvila athu khenda ba? (Sela)
10 Ngudi naye gulandula guzuela egi: “Ndaga idi gungusagesa* yenyeyi:
Nzambi wa Gudinyinyiga wasombegesele gale luholo luenji lua gutukalegela ndaga ba”?*
11 Mbanguwunguluga midimo ya Yah;
mbanguwunguluga ndaga jiaye jia gushimana wakalegele mualeha.
12 Mbangutangigiza midimo yaye yagasue,
mbangutangiza luholo luaye lua gukalagala ndaga.
13 Oo Nzambi, njila jiaye jidi jia gijila.
Oo Nzambi, nzambi mutshi muko udi wakoma gifua aye?
14 Udi Nzambi wa giamatshidia, wana kalagala ndaga jia gushimana.
Wamonesele athu ngolo jiaye.
16 Oo Nzambi, meya agumonele;
meya agumonele, abuile tshipha-tshipha.
Meya aleha agumonele, adigitshile.
17 Matuta avuavumuine meya.
Miandu yanumile mu matuta alabui,
guhenya gua mvula guamuanganele muagasue gifua mifula.
18 Matululu a miandu yaye akhalele gifua matululu a pine jia phusu-phusu;
guhenya gua mvula guaphelegetesele ha mavu;
mavu adigitshile, adinyigishile.
19 Njila yaye yabalegele mukatshi dia kianga,
njila yaye yabalegele mu meya avula;
uvi gushigo nga nu muthu wamonele nganyo jiaye.
20 Watuamezele athu aye gifua imeme,
mu ukuateshi* wa Moize nu Alona.