Ngimbo

Muene wasudiga gukoma;

Yehowa wasudiga ngolo;

wajisudiga gifua mukaba.

Mavu* ajigamesewe muabonga;

ene ajiyilego gunyigishiwa.

 2 Nguasa yaye ya ufumu yajigamesewe muabonga sendese mualeha;

aye wana khala guene ivo nu ivo.

 3 Oo Yehowa, mita yazala,

mita yazala, yabua tshipha-tshipha;

mita idi mulandula guzala nu idi musha matululu.

 4 Uvi aye, Oo Yehowa, udi wakoma mu dilu,

udi nu ngolo jiavula gubalega matululu a meya avula,

udi nu ngolo jiavula gubalega matshipha-tshipha akola a kianga.