Ngimbo

68 Nzambi azuge, mbalagaji jienji jimuangane,

athu agasue anyi anago gumuzumba, alenge gutuama dienji.

 2 Kaya athu ene gifua luholo muhehe wana hehumuna mishi;

athu abola atote gutuama diaye,

gifua luholo maji ana shiginyina ha tshuya.

 3 Uvi athu abonga asuanguluge;

akhale nu gusuanguluga guavula gutuama dia Nzambi;

adihale, akhale nu gusuanguluga.

 5 Nzambi udi ha fundo dienji dia gijila;

muene udi tata wa ana a shiye* nu mubambi* wa akhetu a gafunda.

 6 Nzambi wana hana athu ana khala hakhawo inzo ya gukhala;

wana zola enya bologo, wana tshita egi ndaga jiyile muabonga mukunda nu ene.

 7 Oo Nzambi, tangua watuamezele* athu aye,

tangua wawendele mu mavu a luselenga, (Sela)

 8 mavu adigitshile;

dilu dianogesele mvula mukunda nu Nzambi;

mulundu wuwu wa Sinai wadigitshile mukunda nu Nzambi, Nzambi wa Isalele.

 9 Wanogesele mvula yavula, Oo Nzambi;

wahanele ngolo gudi athu aye akhalele ya guhuila.

10 Ene ajingile mu phundo yaye mu matenta;

Oo Nzambi, mu mutshima waye wabonga, wakuatesele phutu.

11 Yehowa wahana mukhuala;

akhetu adi mulongesa lukuma luabonga adi thundu yakoma ya masuta.

13 Ngatshima enue mala muabandele mukatshi dia tshuya mu phundo ya masuta,

mbamuheta yembe didi nu mahambu a gukula utadi wa siliva

nu a gukula wolo wabonga.

14 Tangua Nzambi wa Ngolo Jiagasue wamuangele mafumu guene,

neje yanogele gu Salemona.

15 Mulundu wa Bashana udi mulundu wa Nzambi;*

mulundu wa Bashana udi mulundu udi nu songi jiavula.

16 Enue milundu idi nu songi jiavula, mukunda natshi mudi mutala nu giphi giagasue

gu khanda ya mulundu unu Nzambi watombele ha gukhala guene?

18 Aye wakandugile gosa;

wayile nu athu wakuatele;

waazudile gifua makhapho,

ayi, wazudile nu ene enya mito yakola ha gukhala mukatshi diawo, Oo Yah, Nzambi.

19 Yehowa atumbuishiwe, muene wana bata ginemo gietu lusugu nu lusugu,

Nzambi wa giamatshidia udi muhuluishi wetu. (Sela)

20 Nzambi wa giamatshidia udi Nzambi wana gutuhuluisa;

Yehowa Fumu Wabalega Gukoma, wana kuatesa ha gulenga gufua.

21 Ayi, Nzambi mbawubula mito ya mbalagaji jienji,

muto wa muthu wagasue udi mulandula guwenda mu gubola guenji.

22 Yehowa wazuelele egi: “Mbanguakatula gu Bashana;

mbanguazola mu majinga a kianga,

23 hagula enue muajiya guweva ikanzo yenu mu mahatshi a mbalagaji jienu,

nu hagula jimbua jienu jiajiya gulenza mahatshi awo.”

24 Oo Nzambi, ene amona athu aye muwenda mu ndonga,

athu a Nzambi wami, Fumu wami, adi muwenda mu ndonga ha guya ha fundo dia gijila.

25 Ngimba jidi muwenda gutuama,

athu adi mushiga ima ya gushigila miziki idi nu shinga adi gualandula gungima;

mavuala a akhetu adi mushiga tungoma adi hakatshi na katshi.

26 Tumbuisenu Nzambi, mukatshi dia athu avula adi a gudibungisa;

tumbuisenu Yehowa, enue athu muazogele gu Gito gia Isalele.

27 Benjame, gasala songi, udi guahinyina guene,

nu mafumu a gu Yuda hamoshi nu thundu yawo ya athu idi musha matululu,

nu mafumu a gu Zabulona nu a gu Nefetali.

29 Mafumu mbaagubatela bakado

mukunda nu tempelo yaye idi gu Yelusalema.

30 Balela shitu jiana khala mukatshi dia ithethe,*

nu ngombe jia milume nu mitumba yenji,

uu nu tangua athu mbaafugama nu mbaabata* utadi wa siliva.

31 Ene mbaabata ima yalondewe nu utadi wa bronze wa gu Ejipitu;*

enya gu Kushi mbaaza muphushi ha guhana Nzambi bakado.

32 Oo enue mawufumu agasue a ha mavu, yimbilenu Nzambi,

yimbenu ngimbo* ha gutumbuisa Yehowa, (Sela)

Muene udi muhinyina gu Isalele,

ngolo jienji jidi mu matuta.

Muene udi Nzambi wa Isalele,

wana hana athu ngolo.