Ngimbo
Lungimbo lua guhana mersi.
100 Enue athu agasue a ha mavu, mbenu milolo ya gusuanguluga mukunda nu Yehowa.
2 Kombelelenu Yehowa nu gusuanguluga.
Zenu gutuama dienji nu milolo ya gusuanguluga.
3 Jiyenu egi Yehowa udi Nzambi,
muene watufugile, esue tudi athu enji.*
Ayi, tudi athu enji, imeme idi muene mubamba.
4 Nginenu mu mifulo yenji, mumuhane mersi,
nginenu mu ibanzala yenji, mumutumbuise.
Muhanenu mersi; tumbuisenu jina dienji.
5 Handaga Yehowa udi wabonga;
guzumba guenji gua giamatshidia guana khala mayilago,
wana monesa khadilo dienji dia gujinginyina mu indongo yagasue.