PFUNZIRO 02

Baibolo ichatipasa chidikhiro

Losindikizidwa

Wanthu padziko yose ankugumana na mabvuto. Ndawa ya vimwevi, iwo achakhala wachisoni, wankhawa mpakana kubva kuwawiwa. Ko vidakuchitikirankoni kale? Vingachitike kuti munkubonera ndawa ya matenda panango ndawa yakuti mudaferewa munthu yemwe mumbamukonda. Mungambakumbuke kuti: ‘Ko ntsiku inango vinthu vidzakhaleko bwino?’ Mukondwe na kubva m’dawiro wa m’Baibolo.

1.Nchidikhiro chiponi chomwe Baibolo ichatipasa?

Baibolo ichafotokoza ndawa yake dziko ili dzale na mabvuto. Komasoti ichatiuza ntontholo wabwino wakuti mabvuto yose yadzamale manje-manje. Mapolomisi ya m’Baibolo ‘yangakupaseni tsogolo na chidikhiro.’ (Lewengani Yeremiya 29:11, 12.) Tsogolo na chidikhiro vichatithandiza kuti tipirire mabvuto yomwe tinkugumana nayo manjeuno. Komasoti vitithandiza kukhala wokondwa manjeuno mpakana kale-kale.

2.Ko Baibolo inkupolomisa kuti vinthu vidzakhale tani kutsogolo?

Baibolo ichati ntsiku inango ‘kudzakhale kulibe impfa, chisoni, kulira ne kuwawiwa.’ (Lewengani Chivumbulutso 21:4.) Mabvuto yomwe yankuchitisa kuti timbabonere ntsiku zino, ninge umphawi, kusowa chilungamo, matenda na impfa kudzakhale kulibe. Baibolo ichapolomisa kuti wanthu adzakhale na chimwemwe mudziko inyowani mpakana kale-kale.

3.Ko imwepo mungatsimikize tani kuti vomwe Baibolo ichanena vidzachitike?

Wanthu azinji achada kuti vinthu vabwino vimbachitike. Koma alibe chitsimikizo kuti peno vidzachitikedi. Baibolo ni yosiyana na vimwevi. Imwepo mungakhale na chitsimikizo kuti vomwe Baibolo ichanena vidzachitike, ‘mukafagafaga Malemba mosamala.’ (Machitidwe 17:11) Mukambapfunzira Baibolo, mudzachite kuwona mwekha kuti vomwe inkutipolomisa kutsogolo ni vazedi.

PFUNZIRANI VIZINJI

Onani vinthu vinango vomwe Baibolo inkupolomisa kutsogolo. Ndipo onani momwe chidikhiro cha m’Baibolo chikuthandizira wanthu azinji ntsiku zino.

Mafoto: Kumbuyo, mafoto ya mabvuto yomwe wanthu tinkugumana nayo ntsiku zino. Kutsogolo, mafoto yankuwonesa momwe moyo udzakhalire kutsogolo. Vochitika vimwevi vinkubwerezerewa m’nyantsi.

4. Baibolo inkupolomisa kuti tidzakhale na moyo wosapera ulibe mabvuto

Onani ndandanda ya mapolomisi yomwe Baibolo ichafotokoza. Ko ni iponi yamwakomedzewa nayo? Ndawa chani mwasalula mweyi?

Lewengani malemba yomwe yali kumbali kwa polomisi iliyose ndipo kambiranani mibvunzo aya:

Ko munkuwona kuti nkhani za m’Baibolo mwezi zichapereka chidikhiro? Ko zingathandize wanthu wa m’banja mwanu panango shamwali wanu?

Ganizirani kukhala mudziko yomwe

PALIBE YEMWE . . .	ALIYESE . . .
adzabve kuwawa, kubonera ndawa yokalamba panango impfa.—Yesaya 25:8.	adzadwale panango kupunduka.—Yesaya 33:24; 35:5, 6.
adzachitiriwe vinthu viribe chilungamo.—Yesaya 32:16, 17.	adzabonere ndawa ya nkhondo.—Salimo 46:9.
adzakhale wachisoni ndawa ya kudziwona kuti alibe na basa panango kukumbukira vinthu voipa.—Yesaya 65:17.	adzawone wanthu okondewa akumukisiwa nkukhala na moyo padziko yapasi.—Yohane 5:28, 29.
adzakhale na moyo wabwino na mphanvu.—Yobu 33:25.	adzakhale na chakudya chizinji, nyumba yabwino na basa yokondwesa.—Salimo 72:16; Yesaya 65:21, 22.
adzadziwe kuti ntendere chaiye ni chani.—Salimo 37:11.	adzakondwe na moyo wosapera.—Salimo 37:29.

Kamwana komwe kenze dwale kapola ndipo kakumbatira amayi wakene.

Mwamuna yemwe wenze wokalamba, wakhala mulumbwana ndipo ankuguguza wilibala yodzala na vakudya.

5. Mapolomisi ya m’Baibolo yangachinje moyo wanu

Wanthu azinji achakhala wokwinyirira na waukali ndawa ya mabvuto yomwe achawona mudziko. Anango ayesesa kuti vinthu vichinje. Wonani momwe polomisi ya m’Baibolo yakuti vinthu vidzachinje inkuthandizira wanthu azinji. Wonesani VIDIYO, ndipo patsogolo pake kambiranani mibvunzo aya:

VIDIYO: Nenze na shungu yakuti nimalise kusowa chilungamo (4:07)

Mafoto: Vochitika va muvidiyo yakuti: ‘Nenze na shungu yakuti nimalise kusowa chilungamo.’ 1. Rafika ankukolola thonje na wanthu wakhaindi yake pewenze mtsikana. 2. Rafika wadabwisiwa kuwona wanthu wosiyana khaindi ali pabodzi pawayenda koyamba kunsonkhano wachigawo wa Mboni za Yahova.

Mu vidiyo, nkusowa chilungamo kuponi komwe kumbamushupa Rafika?
Kusowa chilungamo kulibe kumala, koma ko Baibolo idamuthandiza tani?

Chidikhiro cha m’Baibolo cha kutsogolo chingatithandize kugwebana na chisoni na kupirira mabvuto yathu. Lewengani Miyambo 17:22 na Aroma 12:12, ndipo patsogolo pake kambiranani mibvunzo aya:

Ko munkuganiza kuti chidikhiro cha m’Baibolo chingachinje moyo wanu? Ndawa chani munkuganiza tene?

WANTHU ANANGO ACHATI: ‘Baibolo ichapolomisa vinthu vabwino vomwe vidzachitikelini.’

Ndawa chani munkuwona kuti ni vabwino kufagafaga nkhani mweyi?

CHIGWATO

Baibolo ichatipasa chidikhiro. Ndipo kudziwa vomwe iyo ichapolomisa kutsogolo vitithandiza kugwebana na mabvuto.

Kubwerezera

Ndawa chani wanthu achadekana chidikhiro?
Ko Baibolo ichati vinthu vidzakhale tani kutsogolo?
Ko chidikhiro cha m’Baibolo chingachinje tani moyo wanu?

Namaliza pfunziro mweyi pa data:

Vati nichite

Ninkufuna kuwerenga nkhani za m’Baibolo mu pfunziro mweyi kuti niyadziwe bwino mapolomisi ya m’Baibolo.

Chinango:

Your other goal

KUTI MUDZIWE VIZINJI

Zindikirani mphanvu ya chidikhiro.

‘Ko chidikhiro mungachigumane kuponi?’ (Galamukani! ya 8 de Maio, 2004)

Zindikirani momwe chidikhiro chakutsogolo chingathandizire wale womwe anamatenda yosamala.

‘Baibolo ingakuthandizeni kupirira matenda yosamala’ (Nkhani ya pa intaneti)

Mukambanyang’anira vidiyo ya nyimbo, linganizani kuti imwepo na banja yanu munkukondwa na moyo m’Paradaiso.

Ganizirani Nthawiyo 3:37

Lewengani nkhani ya munthu munango yemwe ambamenyera ufulu wa wanthu na vinyama kuti mudziwe mwadachinjira padabva chidikhiro chakutsogolo.

‘Manjeuno nilibe pomwe maganizo yofuna kuchinja vinthu mudziko’ (Nsanja ya Olonda ya 1 Julho, 2013)