Akazi wachikulire umbawawone ninge amayi wako, ndipo akazi wachitsikana umbawawone ninge azilongosi wako

Malemba yachatilimbikisa kuti timbachite vinthu na akazi wachikulire ninge kuti tinkuchitira amayi na ababa wathu, ndipo azitsikana timbawawone ninga azilongosi wathu. (Lewengani 1 Timoteyo 5:1, 2.) Makamaka abale achadekana kuchita vinthu mwaulemu maninge na akazi.

M’bale achadekanalini kuyankhula panango kuchita vinthu vomwe vingachitise mulongo kodziwona kuti alibe na basa. (Yob 31:1) M’bale wosalowola achadekanalini kuchita vinthu vokhala ninge ankumufuna mtsikana kuti amulowole koma ankumufunalini.

Akulu ambasamale maninge peno mulongo mwaulemu wawabvunza chinthu panango ankufuna kuthandiziwambo pa nkhani inango. Akulu ambaikhire nzeru maninge alongo womwe alibe mwamuna wowateteza.​—Ru 2:8, 9.

NYANG’ANIRANI VIDIYO YAKUTI WONESANI CHIKONDI CHOSAPERA MU MPINGU —KWA WAMASIYE, NDIPO IKAPERA DAWIRANI MIBVUNZO AYA:

• 

  Ko mpingu udawonesa tani chikondi chosapera kwa mulongo Myint?

• 

  Ko chikondi chomwe mpingo udawonesa chidapereka tani umboni wabwino mudera mweyire?

• 

  Ko mulongo Myint na wana wake adabva tani ndawa ya chikondi chomwe mpingo udawawonesa?

Ko ni njira zinango ziponi zomwe imwepo mungawonesere chikondi chosapera kwa alongo mumpingu mwanu?