Kudzipereka

Vomwe Yesu adachita

VIDIYO: Yesu ankupfunzisa Nikodemo

1. Nyang’anirani VIDIYO, panango werengani Yohane 3:1, 2. Patsogolo pake ganizirani mibvunzo aya:

1. Ko munkuganiza kuti ndawa chani Nikodemo adasankhula kukacheza na Yesu usiku?—Onani Yohane 12:42, 43.

2. Pakubvuma kucheza na Nikodemo usiku, ko Yesu adawonesa tani kuti wenze wofunisisa kupfunzisa wanthu?

Ko tinkupfunzira chani kwa Yesu?

2. Tikambakonda wanthu tikhala wofunisisa kuwathandiza kuti akhale wopfunzira wa Yesu.

Tewedzerani Yesu

3. Mbapfunzirani pa nthawe na malo yomwe ni yabwino kwa wopfunzira wanu. Iye panango angasankhule ntsiku ibodzi pa sondo na nthawe yomwe angafune kumbapfunzira. Ko iye angakhale womasuka kumbapfunzirira ku basa kwake; kumuyi kwake, panango pamalo yogumanika wanthu azinji? Muli mose mwavingakhalire, bvumani kuchinja ndandanda yanu kuti mubverane na wopfunzira wanu.

4. Mbapfunzirani kawirikawiri. Peno munkufuna kuchokapo, ayi kuphonyesa pfunziro. M’malo mwake ganizirani ivi:

1. Ko mungawone ntsiku inango nkati mwa sondo mwiyo yomwe mungapfunzire naye?

2. Ko mungapfunzire naye pophatisira basa foni panango pa vidiyokonferensiya?

3. Ko mungakumbire wofalisa munango kuti abakapfunzire naye?

5. Mbapempherani kuti mukhale na maganizo yabwino. Mukumbireni Yahova kuti mupitirize kukhala wokhulupirika kwa pfunziro yanu olo kuti panango ashupika kupfunzira nthawe zose panango kuphatisira basa vomwe ankupfunzira. (Afil. 2:13) Vingachitike kuti pfunziro yanu inamakhalidwe yazinji yabwino. Ndipomwapa kumbirani Yahova kuti akuthandizeni kuganizira maninge makhalidwe yake yabwino.