Traem Idea for Startim Story wea Isi for Changem

Traem Idea for Startim Story wea Isi for Changem

Wei wea iumi barava interest long pipol bae muvim iumi for trae luksavve long need bilong olketa and showim hao Kingdom nomoa bae stretem evri problem bilong olketa. (Phil. 2:4) Wanfala gud wei for story wea staka pablisa iusim and wea isi for changem hem for askem haosholder for talem tingting bilong hem abaotem olketa piksa bilong Paradaes insaed olketa pablikeson wea insaed list long raet saed bilong disfala page. Iu savve duim olsem taem iu followim olketa wei hia for startim story:

◼ “Waswe, iu ting enitaem olketa man bae stap long naes ples olsem wea disfala piksa showim?”

◼ “Iumi evriwan laekem olketa pikinini bilong iumi stap hapi insaed kaen world wea disfala piksa showim. Long tingting bilong iu, wanem nao savve mekem diswan kamap?”

◼ “Diswan hem piksa wea showim lukluk bilong disfala earth taem will bilong God bae kamap long earth olsem hem kamap finis long heven. Waswe, iu lukim eniting wea difren from laef bilong iumi distaem?”

◼ “Waswe, iu laek stap long kaen ples olsem wea disfala piksa showim? [Letem hem ansa.] Waswe, iu ting diswan bae kamap taem iumi laef yet?”

Lisin gud long ansa bilong datfala man, and askem wan or tufala kwestin moa for savve long tingting bilong hem. Sapos samfala sei olketa les or olketa ting diswan bae no savve kamap tru, no kwiktaem ting olketa no interest. Long kaenfala wei askem why nao olketa ting olsem. Maet ansa bilong olketa showimaot olketa barava warim wei wea no eniting savve stretem olketa problem bilong olketa man.—Ezek. 9:4.

Taem iu luksavve long wanem haosholder wari abaotem, changem story bilong iu for fitim datwan. Mekhae long part bilong Kingdom message wea barava fitim need bilong hem. Readim wan or tufala scripture wea join witim samting hem wari long hem. (Lukim olketa idea long raet saed bilong disfala page.) Hem need for lukim wanem nao Bible talem. Sapos hem interest, askem hem sapos hem laek tekem datfala pablikeson and markem taem for go bak lukim hem. Gohed storyim samfala samting moa for mekem grow interest bilong hem.

[Box long page 6]

Olketa Pablikeson wea Garem Piksa Bilong Paradaes

Creation buk: page 237, 243, 251

Teacher buk: page 251-4

Savvy buk: page 4-5, 188-9

Kasem brochure: page 11, 13

True Peace buk: page 98

Worship buk: page 92-3

[Box long page 6]

Olketa Samting Pipol Wari Abaotem

Raverave fasin, wei wea no followim justice

Isaiah 9:6, 7;