KEEPIM
Olketa Idea for Iusim Long Field Service
Iusim olketa idea hia for offerim olketa literature long month for givimaot diswan.
Kam Klos Long Jehovah
“Staka pipol wea biliv long God laek for barava fren gud witim hem. Waswe, iu savve hao God laekem iumi for kam klos long hem? [Readim James 4:8.] Disfala buk garem information for helpem pipol iusim Bible bilong olketa seleva for fren gud witim God.” Readim paragraf 1 long page 16.
“Distaem, wei for no followim justice kamap big tumas. Hem barava olsem wanem disfala scripture talem. [Readim Ecclesiastes 8:9b.] Staka ting, waswe, God tingim pipol tu? [Readim fasfala and mek-tu sentence long paragraf 4 long page 119.] Disfala chapter explainim reason why God letem fasin wea no followim justice gohed for lelebet taem.”
Is There a Creator Who Cares About You?
“Wea nao iumi savve kasem best advaes for stretem olketa barava hard problem bilong iumi? [Letem hem ansa. Then readim Matthew 7:28, 29.] Disfala scripture storyim feeling bilong pipol taem olketa herem Sermon bilong Jesus long Maunten. Herem wanem nara pipol talem abaotem diswan. [Storyim toktok long page 152.] Disfala chapter story abaotem laef bilong Jesus and olketa samting wea hem teachim.”
“Waswe, enitaem iu ting: ‘Sapos God stap, waswe, bae hem duim eniting for finisim wei for safa and wei wea no followim justice long world?’ [Letem hem ansa. Then readim Revelation 21:3, 4.] Disfala buk explainim wanem God bae duim for finisim wei for safa and for duim samting long datwan wea kosim diswan.” Showim chapter 10.
Gohed for Luk Aot!
“Staka pipol wari abaotem olketa bigfala problem and olketa barava nogud samting wea gohed for happen distaem. [Storyim samting wea pipol long territory savve abaotem.] Waswe, iu savve hao olketa samting hia part long wanfala saen evriwea long world wea showimaot hao gavman bilong God klosap nao for kontrolem earth? [Letem hem ansa. Then readim eni scripture hia wea fitim olsem Matthew 24:3, 7, 8; Luke 21:7, 10, 11; or 2 Timothy 3:1-5.] Disfala brochure storyim why hem important tumas for luksavve long mining bilong olketa samting wea happen distaem.”
“Staka pipol distaem wari tumas abaotem olketa barava nogud samting wea happen or from olketa barava nogud samting wea kasem olketa seleva. Samfala ting why nao God no duim eniting for stopem olketa samting hia for happen. Bible promisim iumi klosap nao God bae duim samting for finisim wei for safa. [Readim Revelation 14:6, 7.] Lukim wanem judgment bilong God bae duim for olketa man. [Readim 2 Peter 3:10, 13.] Disfala brochure garem moa information abaotem disfala important subject.”
Savvy wea Lead Go Long Laef Olawe
“Sapos samwan askem iu for go stap long disfala naes ples, waswe, bae iu go? [Showim piksa long page 4-5, and letem hem ansa.] Lukim wanem Word bilong God talem man need for duim for enjoyim laef olsem for olowe. [Readim John 17:3.] Disfala buk bae helpem iu for kasem savve wea lead go long laef olowe.” Markem taem for go bak and storyim paragraf 1-5 long chapter 1.
Showim piksa long page 188-9, and readim kwestin wea stap long there: “Waswe, iu hope for stap long Paradaes, taem savve bilong God fulap long earth? [Letem hem ansa. Then readim Isaiah 11:9.] Disfala buk bae helpem iu for lanem wanem Bible talem abaotem Paradaes and wanem iumi mas duim for stap long Paradaes.” Markem taem for go bak for storyim paragraf 11-16 long chapter 1.
Learn From the Great Teacher
“Waswe, iu ting world bae kamap gud ples for stap sapos pipol duim wanem disfala scripture talem? [Readim Matthew 7:12a. Then letem hem ansa.] Disfala buk garem staka leson from nambawan teacher wea winim eni nara teacher.” Showim olketa piksa and toktok wea join witim piksa long chapter 17.
“Staka dadi and mami distaem trae for teachim olketa gud fasin long olketa pikinini. Waswe, iu ting diswan hem important? [Letem hem ansa. Then readim Proverbs 22:6.] Lukim hao dadi and mami kasem encouragement for start trainim pikinini taem hem smol yet. Disfala buk bae helpem dadi and mami for duim datwan.” Showim olketa piksa and toktok wea join witim piksa long chapter 15 or 18.
“Staka taem dadi and mami sapraes tumas long olketa kwestin wea olketa pikinini askem. Maet samfala kwestin hia hem hard for ansarem, iaman? [Letem hem ansa. Then readim Ephesians 6:4.] Disfala buk savve helpem dadi and mami for ansarem olketa kwestin hia.” Showim tu-thri piksa and toktok wea join witim piksa long chapter 11 and 12 or 34 go kasem 36.
Life—How Did It Get Here? By Evolution or by Creation?
“Iumi evriwan wari abaotem criminal fasin and raf fasin wea kamap long ples bilong iumi. Waswe, iu ting eniwan savve stretem diswan? [Letem hem ansa.] God savve stretem.” Open long page 196; readim and storyim Proverbs 2:21, 22 long paragraf 19. Showim hem title bilong chapter 16, and askem sapos hem interest for readim disfala buk.
Open long page 6, and sei: “Staka pipol ting earth wea luk naes and evriting wea laef long hem kamap seleva nomoa. Long tingting bilong iuseleva, hao nao diswan kamap? [Letem hem ansa.] Staka samting pruvim story long Bible abaotem wanfala Creator wea garem bigfala paoa and wea barava lovem iumi tu. Hem nao trufala God, and nem bilong hem Jehovah.” Readim Psalm 83:18, and lelebet explainim hao Jehovah laek mekem full earth kamap paradaes.
Mankind’s Search for God
“From staka tumas religion stap distaem, waswe, enitaem iu ting hao nao iumi bae savve which religion nao God acceptim?” Bihaen hem ansa, open long page 377. Strongim point namba 7, and askem haosholder sapos hem agree hao tru religion shud mekem evri man wan mind. Readim wanfala long olketa scripture wea stap, and sapos inaf taem stap, storyim samfala nara point wea stap. Sapos haosholder showimaot hem barava interest, askem hem sapos hem laek tekem buk. Bifor iu go, iu savve askem hem, “Hao nao tru religion shud affectim fasin bilong man?” Markem taem for go bak for ansarem datfala kwestin.
Sapos wanfala man sei hem member bilong wanfala long olketa main religion, maet iu sei: “Hem naes for meetim pipol wea garem difren religion. Start long taem bifor kam, olketa man luk aotem God long staka difren wei. [Sapos hem fitim, readim Acts 17:26, 27.] Staka taem, pipol followim religion bilong dadi and mami bilong olketa. [Readim paragraf 12 long page 8.] For lanem samfala samting moa abaotem olketa nara religion hem helpem iumi for savve wanem nao nara pipol bilivim and for minim biliv bilong olketa. Disfala buk explainim start bilong olketa main religion long world, wanem olketa duim, and teaching bilong olketa.” Showim example long wanem buk hem talem abaotem religion bilong datfala man: Sikhism (100-101); Hinduism (116-17); Buddhism (141); Taoism (164-6); Confucianism (177); Shintoism (190-5); Judaism (220-1); and Islam (289).
Revelation—Its Grand Climax At Hand!
“Maet iu herem finis [storyim wanfala nius]. Taem pipol dae long wei wea man no expectim, staka ting hao nao for comfortim famili bilong pipol wea dae. Wanem nao tingting bilong iu?” Letem hem ansa. Then open long page 299, and showim piksa abaotem pipol wea laef bak moa. And sei moa: “Staka pipol sapraes for savve hao pipol wea raeteous and wea no raeteous bae laef bak moa for stap long Paradaes long earth. [Readim Acts 24:15 wea stap long paragraf 9 long page 297, and then explainim followim wanem stap long paragraf 10.] Disfala buk storyim staka nara interesting samting abaotem wanem God bae duim long future.”
The Bible—God’s Word or Man’s?
“Iumi stap long taem wea klosap evriwan kasem olketa barava bigfala problem. Staka kasem help from difren kaen pipol. Samfala askem pipol wea savve talem future. Wea nao iu ting iumi savve faendem advaes wea bae barava helpem iumi? [Letem hem ansa.] Bible talem wanfala important samting wea iumi evriwan need for minim. [Readim 2 Timothy 3:16. Then open long page 187, and readim paragraf 9.] Disfala buk bae helpem iu luksavve hao taem man duim wanem Bible teachim, hem savve kasem best samting.”
Nambawan Man wea Winim Evri Otherfela Man
“Long disfala month staka pipol tingting abaotem Jesus. Bat, from staka nogud samting happen evriwea long world, samfala maet ting, waswe, Jesus tingim iumi? Wanem nao tingting bilong iu abaotem diswan?” Weit for hem ansa. Open long chapter 24, and insaed lelebet taem storyim reason why Jesus kam long earth. Then readim John 15:13, and strongim wei wea Jesus barava lovem pipol.
“Taem samwan talem nem Jesus Christ, staka pipol ting long hem olsem wanfala baby or olsem man wea safa and hem klosap dae. Olketa tingim nomoa taem Jesus born and dae. Olketa nating tingim olketa samting hem talem and duim. Samting wea hem duim affectim evri man wea laef kam kasem distaem. Dastawe hem barava important for lanem evriting abaotem olketa samting wea hem duim for iumi.” Readim John 17:3. Open long fasfala page bilong introduction, and readim paragraf 4.
Wanem Nao God Mas Kasem From Iumi?
“Waswe, iu ting hem plan bilong God for iumi kasem olketa kaen trabol wea iumi feisim distaem? [Letem hem ansa. Then readim Matthew 6:10.] Waswe, enitaem iu ting raonem wanem nao Kingdom bilong God?” Open long leson 6, and readim olketa kwestin long start bilong datfala leson. Storyim datfala leson, or markem taem for go bak for storyim diswan.
“Nomata distaem pipol savve tumas for duim staka samting, sik and dae gohed for kosim wei for safa and sorre for evri man. Waswe, iu savve wanem Jesus bae duim for pipol wea sik, olo, and olketa wea dae tu?” Letem hem ansa. Sapos man laek savve long ansa, open long leson 5, and readim olketa kwestin for paragraf 5-6. Storyim tufala paragraf hia, or markem taem for go bak for duim datwan.
Worshipim Datfala Only Tru God
“Long tingting bilong iu, hu nao savve helpem iumi taem iumi kasem hevi? [Letem hem ansa. Then readim Romans 15:4.] Lukim hao Bible givim instruction, comfort, and hope wea strongim iumi for stand strong long olketa hard taem. Disfala buk talem olketa gudfala idea long hao iumi savve kasem barava gudfala samting taem iumi readim Bible.” Strongim fofala point wea stap long page 30.
“Start kam long taem Jesus stap long earth, staka pipol prea for Kingdom bilong God kam. Waswe, enitaem iu ting hao nao diswan bae affectim evri man? [Letem hem ansa. Then readim Daniel 2:44.] Disfala buk explainim wanem nao Kingdom bilong God, wanem nao hem bae duim, and hao iumi savve kasem gud samting from raeteous rul bilong hem.” Showim piksa long page 92-3.