Service Meeting Schedule
Week Bilong March 14
Song 54
10 min: Announcement bilong kongregeson. Chusim samfala announcement from Kingdom Ministry Bilong Iumi. Iusim olketa idea long page 4 (sapos hem fitim territory bilong iu) for duim demonstration long February 15 Wastaoa and February 22 Awake! For lelebet taem storyim hao olketa pablisa savve changem olketa wei for startim story hia for fitim territory bilong kongregeson.
20 min: “Strongim Go Moa Bible!”a
15 min: “Kongregeson Barava Needim Help Bilong Iu.”b For lelebet taem interviewim wanfala elder. Askem hem for storyim samting wea encouragem hem for reach aot for serve insaed kongregeson and samting wea helpem hem for kamap fit for duim datwan.
Song 95 and prea.
Week Bilong March 21
Song 55
10 min: Announcement bilong kongregeson.
15 min: “Conductim Olketa Bible Study wea Muv Ahed—Part 7.”c Taem iu preparem disfala part, lukluk long July 15, 2002, Wastaoa, page 27, paragraf 5-6.
20 min: Wanem Nao Armageddon? Bihaen long introduction wea no kasem wan minute, storyim information long page 44-9 bilong Reasoning buk olsem kwestin and ansa part. Invaetem audience for storyim olketa scripture anda long olketa kwestin wea stap long dark raeting. Storyim wei wea iumi savve iusim disfala information long field ministry.
Song 87 and prea.
Week Bilong March 28
Song 61
10 min: Announcement bilong kongregeson. Readim accounts report, and eni thankiu leta from branch office for olketa donation. Encouragem evriwan for invaetem olketa wea interest for attendim spesol pablik tok long April 10. Talem literature for iusim long April and May.
15 min: Need bilong kongregeson.
20 min: “Hao for Witness Long Olketa Relative”d Iusim olketa kwestin wea stap. Invaetem audience for talem olketa short koment long hao olketa win for pullim interest bilong olketa relative and for witness long olketa.
Song 64 and prea.
Week Bilong April 4
Song 88
10 min: Announcement bilong kongregeson.
15 min: Lovem Each Other. (John 13:35) Tok wea elder givim from February 1, 2003, Wastaoa, page 15-18, paragraf 10-21. Iumi kasem encouragement for trae and startim olketa Bible study witim olketa wea studyim finis Savvy buk and Kasem brochure. Mekhae long wei wea olketa pablisa savve waka tugeta witim olketa elder for helpem olketa wea wik.
20 min: Jehovah No Holem Bak Gudfala Samting. (Ps. 84:11) Interviewim tu-thri brata and sista wea gohed for faithful long olketa test. Wanem hard samting nao olketa feisim? Wanem nao helpem olketa for deal witim datwan? Olketa wanem hapi and blessing nao olketa kasem?
Song 65 and prea.
[Footnote]
a Iu mas talem introduction Insaed wan minute, and duim part olsem kwestin and ansa.
b Iu mas talem introduction Insaed wan minute, and duim part olsem kwestin and ansa.
c Iu mas talem introduction Insaed wan minute, and duim part olsem kwestin and ansa.
d Iu mas talem introduction Insaed wan minute, and duim part olsem kwestin and ansa.