Olketa Reminder for Memorial

Memorial long disfala year bae kamap long Monday, April 2. Olketa elder mas tingim olketa samting hia.

◼ Taem iufala markem taem for meeting, mek sure for pasim raon bred and wine bihaen sun go daon.

◼ Speaker and evriwan shud savve long barava taem and ples for Memorial.

◼ Shud redyim bred and wine wea fitim diswan.—Lukim Wastaoa bilong February 15, 2003, pp. 14-15.

◼ Putim firstaem tebol, pleit, and kap bifor pipol start for arrive.

◼ Shud klinim gud firstaem Kingdom Hall or eni nara ples wea Memorial bae kamap.

◼ Chusim olketa attendant and olketa wea bae pasim bred and wine. Olketa shud kasem instruction saed long stretfala wei for duim assignment bilong olketa bifor long datfala day. Lukluk and kaleko bilong olketa brata hia shud klin and showimaot respect.

◼ Taem tufala kongregeson bae iusim sem Kingdom Hall, olketa elder mas mekem gudfala arrangement for mek sure first kongregeson garem inaf taem for aot from Kingdom Hall and mekem nara kongregeson no delay tumas for kam and startim Memorial bilong olketa.