DUIM GUD MINISTRY BLO IU | HAO FOR IU BARAVA ENJOYIM MINISTRY
Helpem Bible Study blo Iu for Attendim Olketa Meeting
Olketa kongregeson meeting hem important part lo tru worship. (Sams 22:22) Evriwan wea hipap for worshipim Jehovah olketa hapi and kasem blessing. (Sams 65:4) Taem olketa Bible study evritaem attendim meeting bae olketa muv ahed kwiktaem tumas.
Hao nao iu savve helpem Bible study blo iu for attendim meeting? Gohed invaetem olketa for attend. Showim datfala video Wanem Nao Mifala Duim Long Wanfala Kingdom Hall? Explainim olketa gud samting wea iumi kasem from olketa meeting. (lff leson 10) Maet iu savve sharem wanfala naes point wea iu lanem lo wanfala meeting, or storyim wanem iumi bae discussim lo next meeting. Givim lo hem pablikeson wea iumi bae iusim lo meeting. And tu, helpem olketa for go lo meeting, duim samting for help. Gud samting wea student kasem from first meeting blo hem bae winim eni sakrifaes iu duim for helpem hem.—1Co 14:24, 25.
WATCHIM VIDEO HELPEM BIBLE STUDY FOR ATTENDIM MEETING, AND THEN ANSAREM OLKETA KWESTIN HIA:
Wanem chance nao Neeta iusim for invaetem Jade for wanfala kongregeson meeting?
Why nao iumi hapi tumas taem wanfala Bible study attendim olketa meeting?
“God hem barava stap witim iufala”
Wat nao Jade experiencem taem hem attendim first meeting blo hem?