Hao, Olketa Peacekeeping Organization Savve Mekem World for Peaceful?

Evritaem iumi herem nius blo olketa war and conflict lo staka ples lo world. Dastawe United Nations and olketa nara organization duim peacekeepinga operations, wea wanfala nao hem for maintainim presence blo olketa lo ples wea conflict hem gohed. Aim blo olketa hem for mekem olketa ples wea conflict gohed for kamap stable. UN Secretary-General, António Guterres sei, “Olketa peacekeeper blo United Nations, olketa nao duim most important part lo waka wea iumi duim for mekem world hem moa peaceful.”

Lo olketa year wea go pas, olketa peacekeeping operation olketa successful lo samfala samting. For example, olketa protectim olketa civilian lo taem blo war, helpem olketa refugee for return lo hom kantri blo olketa, deliverim humanitarian aid, and rebuildim damage infrastructure lo olketa kantri. Bat olketa peacekeeping organization feisim tu samfala big challenge wea limitim success blo olketa. Hao, bae enitaem olketa faendem lasting solution wea bae mekem world kasem tru peace? Wat nao Bible talem abaotem diswan?

Olketa peacekeeping challenge and solution lo Bible

Challenge: no cooperate gud. Hem no evritaem isi for olketa military and olketa civilian agency, wea usually olketa from difren kantri, for cooperate gud. Samfala taem, olketa agency hia stragol for waka gud tugeta bikos lo olketa misunderstanding and olketa garem difren priority.

Solution lo Bible: “God wea rul lo heven bae startim wanfala kingdom . . . and finisim evri kingdom hia [olketa human gavman], and hemseleva nao bae rul for olowe.”—Daniel 2:44.

Challenge: limited resources and no garem ability for duim samting. Olketa peacekeeping operation no evritaem garem inaf pipol, financial sapot, and other resources, wea mekem waka blo olketa hem no progress gud. And tu, olketa havtu waka lo olketa ples wea hem barava no isi and hem dangerous.

Solution lo Bible: “God blo Lord blo iumi Jesus Christ . . . hem [Jesus] sidaon lo raet hand blo hem lo heven. Hem putim hem hae winim evri gavman and paoa.”—Ephesians 1:17, 20, 21.

Olmaeti God, Jehovah,b hem givim lo Jesus, wea hem appointed King lo Kingdom blo God, evriting wea hem needim for mekem rul blo hem successful. (Daniel 7:13, 14c) God givim lo Jesus bigfala paoa, knowledge, wisdom, and wei for luksavve, wea datwan mekem hem barava winim eni human gavman or agency. (Isaiah 11:2) And tu, Jesus garem army blo olketa paoaful angel wea hem savve iusim. (Revelation 19:14) No eni situation hem complicated or hard tumas for hem stretem.

Challenge: olketa legal restriction. Samfala taem, pipol wea waka for olketa peacekeeping organization no fit for duim gud waka blo olketa, bikos olketa no kasem klia instruction abaotem wat olketa allowed for duim, or wat pipol expectim from olketa, or bikos lo olketa legal restriction. Datwan savve stopem olketa for protectim others or for accomplishim goal blo olketa.

Solution lo Bible: “God givim authority lo [Jesus] ovarem evri samting lo heven and lo earth.”—Matthew 28:18.

God givim klia instruction lo Jesus for establishim world peace, and full authority for mekem datwan happen. (John 5:22) Jesus bae never duim eniting wea unfair or corrupt. (Isaiah 11:3-5) So hem mek sense for Bible kolem Jesus lo “Prince blo Peace,” wea Kingdom blo hem base lo “justice and raeteous fasin.”—Isaiah 9:6, 7.

Kingdom blo God bae mekem tru peace kamap

Olketa peacekeeping organization savve duim lelebet samting nomoa for mekem tings stable, and maet finisim wanfala conflict lo wanfala ples nomoa. Nomata olsem, olketa no savve removim rut kos blo violence, wea hem nao feeling for heit insaed heart blo staka pipol.

“Main problem nao, no eni peace stap for iumi maintainim.”—Dennis Jett, former U.S. ambassador.

Bat, Kingdom blo God nao bae mekem tru peace for kamap bikos hem bae helpem each person for aotem feeling for heitim narawan from heart blo hem. For example, taem Jesus stap lo earth, hem teachim olketa follower blo hem lo wat hem talem, and lo example blo hem for mek peace and for showim love lo others:

Jesus sei tu dat olketa wea stap anda lo Kingdom blo God, pipol bae luksavve lo olketa bikos lo love wea olketa garem for others. Bible talem stret dat olketa wea heitim others bae no allowed for stap insaed Kingdom blo God:

Jehovah God, wea creatim olketa human, savve lo best wei—only wei—for establishim world peace. Kingdom blo hem bae able for duim wat olketa man and olketa peacekeeping organization olketa fail for duim.