Hao, Bible Savve Helpem Mi for Garem Hapi Famili?

Ansa from Bible

Yes. Diswan hem sampol blo wise advaes from Bible wea bin helpem million man and woman for garem hapi famili:

1. Legalizim marit blo iu. Marit wea olketa legalizim, hem for olowe and hem faondeson for garem wanfala hapi famili.​—Matthew 19:4-6.

2. Showim love and respect. Diswan includim wei for treatim marit partner blo iu lo sem wei wea iu laekem hem for treatim iu.​—Matthew 7:12; Ephesians 5:25, 33.

3. Avoidim unkaen toktok. Story kaen, even if marit partner blo iu talem or duim samting wea hurtim feeling blo iu. (Ephesians 4:31, 32) Bible sei lo Proverbs 15:1: “Wanfala kaen ansa hem katem daon kros, bat raf toktok mekem man kros go moa.”

4. Mas faithful lo each other. Keepim romantic and sexual attention blo iu for marit partner blo iu nomoa. (Matthew 5:28) Bible sei: “Evriwan mas respectim marit, and datfala marit bed hem mas klin.”​—Hebrews 13:4.

5. Trainim pikinini witim love. Avoidim wei for letem pikinini bossim iu and no raf lo hem.​—Proverbs 29:15; Colossians 3:21.