Wat Nao Torah?
Ansa from Bible
Datfala English word “Torah” hem kam from Hebrew word toh·rahʹ, wea olketa savve transleitim olsem “instruction,” “teaching,” or “law.”a (Proverbs 1:8; 3:1; 28:4) Olketa example hia showim hao Bible iusim disfala Hebrew word.
Staka taem Toh·rahʹ refer lo first faevfala buk lo Bible, Genesis, Exodus, Leviticus, Numbers, and Deuteronomy. Pipol savve kolem tu lo Pentateuch, wea kam from Greek word wea minim “faevfala volume.” Moses nao raetem Torah, dastawe Bible kolem lo “buk blo Law blo Moses.” (Joshua 8:31; Nehemiah 8:1) Hem klia, lo firstaem hem wanfala buk nomoa, bat bihaen olketa divaedem for mekem hem isi for iusim.
Toh·rahʹ hem minim tu olketa law wea God givim lo pipol lo Israel abaotem wanfala particular subject, olsem “law [toh·rahʹ] blo sin offering,” “law abaotem leprosy,” and “law for eniwan wea hem Nazirite.”—Leviticus 6:25; 14:57; Numbers 6:13.
Samtaems Toh·rahʹ hem minim instruction and teaching, whether from parents, olketa wise man, or God seleva.—Proverbs 1:8; 3:1; 13:14; Isaiah 2:3, footnote.
Wat nao Torah, or Pentateuch?
Hem history abaotem hao God deal witim olketa man start lo creation go kasem taem Moses hem dae.—Genesis 1:27, 28; Deuteronomy 34:5.
Hem olketa judicial disison lo datfala Law blo Moses. (Exodus 24:3) Datfala Law hem made up lo moa than 600 law. Wanfala law wea important lo olketa hem Shema, or olketa toktok wea olketa Jew talemaot faith blo olketa. Wanfala part blo datfala Shema hem sei: “Iufala mas lovem Jehovah, God blo iufala, witim full heart blo iufala, witim full laef blo iufala, and witim full strong blo iufala.” (Deuteronomy 6:4-9) Jesus describem diswan “hem first komandment and hem barava important.”—Matthew 22:36-38.
Datfala divine nem Jehovah hem occur samting olsem 1,800 taems. Instead for haedem nem blo God, Torah garem komand wea talem for pipol blo God mas iusim.—Numbers 6:22-27; Deuteronomy 6:13; 10:8; 21:5.
Tingting wea no stret abaotem Torah
Tingting wea no stret: Olketa law blo Torah hem stap for olowe, pipol mas no changem enitaem.
Tru samting: Samfala Bible transleison savve refer lo olketa specific law blo Torah, includim olketa law wea relate lo Sabbath, olketa priest, and Day for Kasem Forgiveness, olketa law hia “no savve finis” or stap for “olowe.” (Exodus 31:16; 40:15; Leviticus 16:33, 34, King James Version) Nomata olsem, Hebrew word wea olketa iusim lo olketa verse hia savve minim tu go kasem taem wea iumi no savve, bat hem no minim bae hem stap for olowe.b Afta Law blo Moses stap finis for samting olsem 900 years, God talem dat hem bae replacem datwan witim “wanfala niu covenant.” (Jeremiah 31:31-33) Taem hem “sei ‘wanfala niu covenant,’ datwan hem showim datfala first covenant hem no garem paoa nao.” (Hebrews 8:7-13) Niu covenant hem replacem old covenant abaot 2,000 years ago lo basis lo dae blo Jesus Christ.—Ephesians 2:15.
Tingting wea no stret: Olketa oral tradition blo olketa Jew and Talmud, tufala important semsem tu witim Torah wea olketa raetem.
Tru samting: No eni evidence lo Bible hem showim God givim oral law lo Moses and olketa combinem witim Torah wea olketa raetem. Instead, Bible hem sei: “Jehovah tok olsem moa lo Moses: “Iu mas raetem olketa toktok hia.’” (Exodus 34:27) Oral law, wea bihaen olketa raetem daon, olketa kolem lo Mishnah and gogo olketa mekem kamap big and hem nao Talmud, wea consist lo olketa kastom blo olketa Jew wea olketa Pharisee nao startim. Staka taem olketa kastom hia savve conflict witim Torah. From diswan, Jesus talem olketa Pharisee: “Kastom blo iufala hem mekem word blo God hem iusles nomoa.”—Matthew 15:1-9.
Tingting wea no stret: Hem no stret for teachim Torah lo olketa woman.
Tru samting: Law blo Moses garem wanfala law wea talem dat olketa mas readim full Law lo evri pipol blo Israel, includim olketa woman and pikinini. Why nao olsem? “Mekem olketa savve lisin and lane abaotem Jehovah, God blo [olketa], and fraet lo hem and followim gud evri toktok wea stap insaed [datfala] Law.”—Deuteronomy 31:10-12.c
Tingting wea no stret: Torah garem samfala hidden message.
Tru samting: Moses, wea raetem Torah, talem dat message blo Torah hem klia and hem accessible for evriwan, hem no samting wea stap haed. (Deuteronomy 30:11-14) Datfala idea wea sei Torah garem samfala hidden message hem kam from Kabbalah, or kastom blo olketa Jew, wea olketa iusim “for storyim” for interpretim olketa Scripture.d—2 Peter 1:16.
a Lukim Revise Edition blo The Strongest Strong’s Exhaustive Concordance of the Bible, page 8451 lo sekson “Hebrew-Aramaic Dictionary-Index to the Old Testament.”
b Lukim Theological Wordbook of the Old Testament, Volume 2, page 672-673.
c Law blo olketa Jew wea base lo kastom blo olketa, staka taem hem stopem olketa woman for no studyim Torah wea difren from wat Torah teachim. For example, Mishnah quotem Rabbi Eliezer ben Hyrcanus wea sei: “Man wea teachim dota blo hem lo Torah, hem olsem hem teachim hem for tok swear.” (Sotah 3:4) Jerusalem Talmud sei olsem: “Hem beta for distroem olketa toktok blo Torah, instead for teachim lo olketa woman.”—Sotah 3:19a.
d For example, Encyclopaedia Judaica story olsem abaotem tingting blo Kabbalistic abaotem Torah: “Torah no garem eni specific mining, bat hem garem olketa difren mining followim own tingting blo pipol.”—Second edition, Volume 11, page 659.