Part 1
Which Way, God Him Really Care Long You-Me?
1, 2. Wanem now question where people askim about God, and why now all-same?
LONG ONE-FELLA time long life belong you, might you askim this-fella question: ‘Suppose one-fella God where him really care long you-me him stop, why now him lettim you-me for suffer?’ Everyone long you-me catchim finish this-fella way for suffer or you-me savvy long someone where suffer.
2 True now, inside long history, people they suffer time they catchim pain long body and heart from war, bad-fella fashion, rough fashion, fashion where no followim justice, way for poor, sick, and die belong all’gether where they love-im. Inside long make-20 century belong you-me no more, all’gether war killim die finish winnim 100 million people. Staka hundred million people more they carryim kill or lose-im all’gether house and material something belong them. Staka no good something they happen long time belong you-me where make-im big-fella section belong all’gether people they sorry, cry, and feel all-same they no gettim hope.
3, 4. Wanem now staka people say about way where God lettim man for suffer?
3 Some-fella people feel cross and they say suppose one-fella God him stop, him no really care long you-me. Or might they say no any God him stop. For example, one-fella man where suffer from way where people persecute-im tribe belong him where make-im all’gether friend and family belong him die long World War I, him ask all-same: “Where now God time you-me needim him?” Another-fella man, where stop safe time all’gether Nazi killim die staka million people long World War II, him barava feel sorry time him lookim how people they suffer all-same, where make-im him say: “Suppose you savvy taste-im heart belong me, him by-by poisonim you.”
4 There now, staka people they no meanim why now one-fella good-fella God him lettim all’gether no good something for happen. They like for savvy suppose him really care long you-me or no more, or suppose him really stop or no more. And staka long all’gether they say way for suffer him part long life belong man.
[Piksa long page 2, 3]
Which way, one-fella new world where free from way for suffer him close up for come?