Part 4
God Him Tellim You-me About Every Plan Belong Him
1, 2. How now you-me savvy God give-im every answer long all’gether honest people where ask?
ONE-FELLA LOVING God show out every plan belong him long all’gether honest people where lookoutim him. Him give-im all’gether man every answer for every question, all-same why now him lettim man for suffer.
2 Bible him say: “Suppose you lookoutim [God], him by-by lettim you findim him.” “One-fella God him stop long heaven where him now Man Where Tellim Out every secret something.” “Sovereign Lord Jehovah by-by no doim any something before him tellim out first time every plan belong him long all’gether servant belong him all’gether prophet.”—1 Chronicles 28:9; Daniel 2:28; Amos 3:7.
Where Now Every Answer They Stop?
3. Where now you-me savvy findim answer long question about why God lettim man for suffer?
3 Every answer for every question, all-same why now God lettim man for suffer and wanem something now him by-by doim for straightim this one, they stop inside long record where come from him for helpim you-me. That-fella record him Word belong him, Holy Bible. “All’gether Scripture they come from God and they good for teach, for give-im counsel, for straightim every something, for give-im discipline long righteous fashion, for make-im man belong God him fit every bit, ready for doim every good-fella work.”—2 Timothy 3:16, 17.
4, 5. Wanem something now about Bible where make-im him all-same one-fella book where different every bit?
4 Bible him one-fella book where different every bit. Him gettim straight-fella record about history belong all’gether man and him tellim too every something where happen before God him create-im all’gether man. Him good for time belong you-me too, from every prophecy belong him tellim out every something where happen this time and where by-by close up for happen long future too.
5 No any other-fella book winnim this one long way where him tellim history long barava straight-fella way. For example, few-fella manuscript no more where people belong world before write-im they stop. But staka manuscript, some-fella part and whole part, belong Bible they stop: something all-same 6,000 belong all’gether Hebrew Scripture (all’gether 39 book belong “Old Testament”) and something all-same 13,000 belong all’gether Christian Greek Scripture (all’gether 27 book belong “New Testament”).
6. Why now you-me sure how Bible this time him samesame withim that one where spirit belong God helpim all’gether man for write-im first time?
6 Almighty God, where use-im spirit belong him for helpim all’gether man for write-im Bible, him make sure how every text where stop inside where they straight every bit they must stop come catchim time belong you-me inside long all’gether copy belong manuscript here. There now, all’gether Bible belong you-me this time they samesame withim all’gether first-fella holy writing. Another-fella something where helpim you-me for think high long this one him way where some-fella copy belong manuscript belong all’gether Christian Greek Scripture, they write-im inside long one hundred year no more behind long first-fella writing. Few-fella copy belong manuscript where all’gether man belong world before write-im where you-me still findim this time, they copyim staka hundred year behind all’gether first-fella man they write-im.
Present belong God
7. How many Bible now they printim and long how many language now?
7 Bible him one-fella book where winnim any other-fella book long history long way where him barava staka too much and stop everywhere long world. They printim something all-same three billion copy. No any other-fella book where man printim catchim that-fella number. And they translate-im Bible or some-fella part belong him long something all-same 2,000 language. There now, they think say something all-same 98 percent belong all’gether people where stop long planet belong you-me they savvy catchim Bible.
8-10. Wanem now some-fella something where make-im you-me need for looklook good inside long Bible?
8 True now, you-me need for looklook good inside long this-fella book where come from God and where gettim all’gether something where prove-im way where him straight every bit.a Him story about plan belong life, meaning belong every something where happen long world, and something where by-by happen long future. No any other-fella book savvy doim that one.
9 True now, God him use-im Bible for story withim family belong all’gether man. Him leadim something all-same 40-fella man for write-im this one through long active force, or spirit, belong him. There now, God him story long you-me through long Word belong him, Holy Bible. Apostle Paul him write: “Time you-fella catchim word belong God, where you-fella hearim from me-fella, you-fella believe-im him no word belong man, but, him really word belong God.”—1 Thessalonians 2:13.
10 Abraham Lincoln, make-16 president belong United States, him callim Bible all-same “number one present where God give-im long man . . . Suppose you-me no gettim this one, you-me by-by nothing savvy wanem now him straight and wanem now him wrong.” So, wanem now this-fella number one present him tellim you-me about how way for suffer him start, why God lettim this one for happen, and wanem him by-by doim for straightim this one?
[Footnote]
a For savvy more long all’gether something where prove-im Bible him straight every bit, lookim this-fella book The Bible—God’s Word or Man’s?, where Watchtower Bible and Tract Society of New York, Inc., they printim long year 1989.
[Piksa long page 10]
Bible, where come from God, him something where him use-im for story withim family belong all’gether man