Introduction blo Sekson 8

Jehovah blessim Solomon, hem givim hem bigfala wisdom and privilege for buildim datfala temple, bat gogo hem lusim Jehovah. If iu wanfala dadi or mami, explainim lo pikinini hao olketa wea worshipim false god nao mekem Solomon for lusim God. Datfala kingdom hem divaed, and olketa nogud king nao leadim nation hia for apostate and worshipim idol. Lo datfala taem, olketa persecutim and killim dae staka profet wea loyal lo Jehovah. Queen Jezebel mekem wei for apostate worst go moa lo ten tribe kingdom blo Israel lo north. Datwan hem barava nogud taem lo history blo Israel. Bat staka faithful servant blo Jehovah still stap lo Israel, olsem King Jehoshaphat and profet Elijah.