Waswe, Iu Tingim Yet?

Waswe, iu lanem gud samting from Wastaoa magasin wea iu readim no longtaem go nomoa? Trae for ansarem olketa kwestin hia:

• Wanem nao thrifala important samting wea savve helpem iumi for honest?

Hem nao for: (1) Fraet long God. (1 Pet. 3:12) (2) Garem konsens wea Bible trainim. (3) Satisfae long wanem iumi garem.​—4/15, page 6-7.

• Why nao iumi savve wei for serious no minim lukluk bilong iumi mas serious or iumi no savve duim hapitaem?

Iumi savve tingim example bilong Jesus. Hem relax and kaikai tugeta witim olketa narawan. Iumi savve Jesus no man wea serious tumas. Olketa pikinini and olketa narawan no fraet for story witim hem.​—4/15, page 10.

• Wanem nao tokpiksa abaotem olive tree long Romans chapter 11 piksarem?

Disfala olive tree hem abaotem spiritual Israel, wea olketa tu pikinini bilong Abraham. Rut bilong datfala tree hem piksarem Jehovah and body bilong datfala tree piksarem Jesus. From staka Jew les long Jesus, olketa wea no Jew wea biliv long God savve join go long datfala tokpiksa olive tree. Datwan mekem full namba bilong pikinini bilong Abraham kamap.​—5/15, page 22-25.

• Sapos Jesus garem olketa pikinini wea perfect, waswe, olketa tu savve kamap part long sakrifaes for changem wanem Adam duim?

Nomoa. Nomata Jesus fit for kamap dadi bilong staka billion pikinini wea perfect, olketa no savve kamap part long datfala sakrifaes for changem wanem Adam duim. Perfect laef bilong Jesus nomoa hem semsem witim perfect laef bilong Adam. (1 Tim. 2:6)​—6/15, page 13.

• Wanem nao olketa Christian savve duim for showimaot olketa followim warning long Acts 20:29, 30 abaotem olketa laea teacher?

Olketa Christian no story witim olketa laea teacher or letem olketa for kam long haos. (Rom. 16:17; 2 John 9-11) Olketa no readim olketa buk bilong olketa apostate, lukluk long olketa long TV, readim wanem olketa putim long Internet, or raetem long Internet eni samting abaotem wanem olketa talem.​—7/15, page 15-16.