Wanem for Talem Abaotem Olketa Magasin

Wastaoa Apr. 15

“Distaem, staka information tumas hem stap for iumi iusim, iaman? [Letem hem ansa.] Nomata olsem, information wea disfala scripture storyim hem winim evri nara information. [Readim John 17:3.] Disfala magasin explainim mining bilong disfala toktok ‘laef olowe’ and hao iumi savve kasem datfala savve wea bae leadim iumi for kasem laef olsem.”

Awake! Apr. 22

“Nomata Jesus Christ hem man wea staka savve long hem winim eni nara man, staka pipol no really minim hu nao hem. Waswe, iu savve hao olketa disaepol bilong Jesus tu ting olsem abaotem hem? [Letem hem ansa. Then readim Mark 4:41.] Disfala magasin storyim wanem Bible talem abaotem hu nao Jesus.”

Wastaoa May 1

“Taem samwan wea iumi lovem hem dae, hem wei bilong iumi for laek lukim hem moa. Waswe, iu agree? [Letem hem ansa.] Plande pipol kasem comfort long promis bilong Bible abaotem resurrection. [Readim John 5:28, 29.] Disfala magasin storyim taem wea resurrection bae happen and hu nao bae kasem gud samting from datwan.”

Awake! May 8

“Plande mami and dadi barava careful long samting wea olketa savve letem pikinini bilong olketa for lukluk long hem. Waswe, hem hard for iu faendem wanfala movie wea fitim famili bilong iu? [Letem hem ansa. Then readim Ephesians 4:17.] Disfala magasin storyim hao mami and dadi savve helpem pikinini for chusim hapitaem wea bae no spoelem olketa.”