Wanem for Talem Abaotem Olketa Magasin

The Watchtower Apr. 15

“Wei for duim olketa barava raf samting hem kamap moa big distaem. [Talem wanfala example long samting wea happen long ples bilong iu or wea stap insaed disfala magasin.] Waswe, enitaem iu tingim why nao pipol savve duim olketa barava raf samting? [Letem hem ansa.] Bible hem talem hao wei for duim barava raf samting bae kamap big tumas. [Readim 2 Timothy 3:1-5.] Disfala magasin hem ansarem disfala kwestin, ‘Will cruelty ever end?’”

Awake! Apr.

“Plande pipol sei olketa Christian. Long tingting bilong iu, wanem nao hem minim for kamap Christian? [Letem hem ansa.] Lukim wanem Jesus talem long disfala scripture. [Readim John 15:14.] Disfala article hem showimaot hao man need for duim moa samting winim wei for talem nomoa hao hem wanfala Christian.” Showim article wea start long page 26.

Wastaoa May 1

“Distaem, man savve kasem advaes long staka difren subject. Long tingting bilong iu, haomas long evri advaes hia nao iumi savve trustim? [Letem hem ansa. Then readim 2 Timothy 3:16.] Disfala Wastaoa magasin hem showim iumi why iumi savve trustim Bible for givim iumi wisdom wea bae helpem iumi long laef.” Showim article wea start long page 14.

Awake! May

“Samfala pipol garem barava gudfala living, bat long semtaem, plande million pipol barava poor. Waswe, iu ting evriwan long world bae garem sem living long future? [Letem hem ansa.] Lukim tingting bilong God abaotem pipol wea poor. [Readim Psalm 22:24.] Disfala magasin hem storyim hope wea stap long Bible for olketa pipol wea poor.”